Pintor tu konten

Pintor tu menu namangihut

Sitindangi Ni Jahowa

Batak (Toba)

Aha do Watch Tower Bible and Tract Society?

Aha do Watch Tower Bible and Tract Society?

Watch Tower Bible and Tract Society of Pennsylvania, i ma sada badan hukum na dibahen di taon 1884 na diatur Commonwealth of Pennsylvania, AS. Sitindangi Ni Jahowa mambahen badan hukum on laho mangurupi ulaon marbarita na uli di liat portibi on na so manggarar, umpamana pabinsarhon Bibel dohot sijahaon na marojahan sian Bibel.

Na tinuju ni badan hukum on, i ma laho ”marbarita na uli dohot mangajar taringot Harajaon ni Debata na diparenta Jesus Kristus,” jala adong do partalian ni badan hukum on tu ”agama, pendidikan, dohot sosial.” Anggota ni badan hukum on, i ma angka halak na ditogihon jala ndang na dipillit alani sadia godang nasida mangalehon sumbangan. Anggota dohot direkturna mangurupi Punguan Na Mangaradoti Organisasi ni Sitindangi Ni Jahowa.

Rap Karejo dohot Badan Hukum na Asing

Asing ni Watch Tower Bible and Tract Society of Pennsylvania, dibahen Sitindangi Ni Jahowa do badan hukum di pigapiga negara. Pigapiga goar ni badan hukum on mamangke hata ”Watch Tower,” ”Watchtower,” manang diterjemahon tu hata na dipangke di negara i.

Dung dibahen angka badan hukum on, nunga godang angka na denggan na hudapot hami, umpamana:

  • Panuraton dohot Pabinsarhon. Nunga hupabinsar hami hirahira 220 juta Bibel. Adong muse hirahira 40 miliar sijahaon na marojahan sian Bibel di lobi sian 700 hata. Asing ni i, huparade hami do Bibel online na so manggarar di situs web jw.org jala dapotmuna ma disi alus ni sungkunsungkun taringot ”Aha do Harajaon ni Debata i?

  • Pendidikan. Hupatupa hami do pigapiga singkola laho mamparsiajari Bibel. Umpamana, sian taon 1943, lobi sian 8.000 Sitindangi Ni Jahowa nunga mangihuthon Singkola Gilead, jala dilatik do nasida gabe misionaris laho mangurupi dohot patoguhon ulaonnami di liat portibi on. Jala ganup minggu, marjuta halak, termasuk ma na so Sitindangi, mandapot laba sian parpunguan Kristen. Huparade hami do muse parsiajaran tu halak na so boi manjaha dohot manurat jala hupabinsar hami do buku parsiajaranna di bagasan 110 hata.

  • Sosial. Huparade hami do pangurupion tu nasida na hona mara—umpamana, songon Genosida na masa di Rwanda, manang songon lalo di Haiti na masa di taon 2010.

Nang pe badan hukum on nunga godang mangalehon pangurupion tu ulaonnami, alai hami mangulahon ulaon on ndang holan alani badan hukum i. Ganup halak Kristen martanggung jawab mangulahon parenta ni Debata, i ma marbarita na uli jala pasahathon hasintongan. (Mateus 24:14; 28:19, 20) Porsea do hami na diurupi Debata hami mangulahon ulaon on jala Ibana do na ”patubuhon” ulaon on.—1 Korint 3:6, 7.