Pintor tu konten

Pintor tu menu namangihut

Sitindangi Ni Jahowa

Batak (Toba)

Dijalo Sitindangi Ni Jahowa do Perawatan Medis?

Dijalo Sitindangi Ni Jahowa do Perawatan Medis?

I do. Dijalo Sitindangi Ni Jahowa do parubatan dohot perawatan medis. Tingki marubat manang manjaga kesehatan, sipata porlu do ”dokter” di hami. (Lukas 5:31, Bibel siganup ari) Sasintongna, adong do Sitindangi Ni Jahowa gabe dokter, songon si Lukas, sahalak Kristen di abad na parjolo.—Kolosse 4:14.

Alai, ndang dijalo hami parubatan na maralo tu prinsip ni Bibel. Umpamana, ndang dijalo hami mudar marhite transfusi. Alana, Bibel mangorai hita mangallang mudar dohot mamangke i tingki marubat. (Ulaon ni Apostel 15:20) Jala diorai do hita mamillit parubatan na mamangke hadatuon.—Galatia 5:19-21.

Alai, godang do perawatan medis dohot parubatan na so maralo tu Bibel. Alani i, hita sandiri do na ingkon manontuhon laho mamangke sada parubatan manang na ndang. Adong do Sitindangi na olo manjalo sada parubatan, alai Sitindangi na asing ndang olo manjalo i.—Galatia 6:5.