Pintor tu konten

Sitindangi Ni Jahowa

Pillit Hata Batak (Toba)

Boasa Sitindangi Ni Jahowa Ndang Mandok Inganan Parpunguan ni Nasida Gereja?

Boasa Sitindangi Ni Jahowa Ndang Mandok Inganan Parpunguan ni Nasida Gereja?

Di Bibel, hata Junani na diterjemahon gabe ”gereja” patuduhon punguan ni halak na manomba Debata, ndang na patuduhon inganan parpunguan ni nasida.

Umpamana: Tingki ditongos apostel Paulus surat tu halak Kristen di Rom, dipasahat ibana ma tabe tu si Akuila dohot si Priskilla, jala didok ibana ma, ”Sahat ma tabe tu gereja na marpungu di jabu ni nasida.” (Rom 16:5, Contemporary English Version) Molo taida sian hata ni si Paulus on, tontu ibana ndang pasahathon tabe tu sada inganan. Alai, ibana pasahathon tabe tu angka halak—manang huria na marpungu di jabu ni nasida. *

Alani i, laho mandok inganan parpunguannami, ndang dipangke hami hata gereja. Alai, na dipangke hami ”Bale Harajaon.”

Alai, boasa goarna ”Bale Harajaon ni Sitindangi Ni Jahowa”?

Pas do goar on, alana:

  • Inganan on dipangke hami laho marpungu.

  • Disi, hami marpungu laho manomba Jahowa, Debata na disurat di Bibel. Jala dihatindangkon hami do taringot Ibana.—Psalmen 83:18; Jesaya 43:12.

  • Di parpunguan i, diparsiajari hami taringot Harajaon ni Debata, na jotjot dibaritahon Jesus.—Mateus 6:9, 10; 24:14; Lukas 4:43.

Las rohanami manggokkon hamu asa ro tu Bale Harajaon na jumonok jala mangida songon dia parpunguan ni Sitindangi Ni Jahowa dipatupa.

^ par. 3 Hata na sarupa tuson, adong disurat di 1 Korint 16:19; Kolosse 4:15; dohot Pilemon 2.