Pintor tu konten

Sitindangi Ni Jahowa

Pillit Hata Batak (Toba)

Boasa Sitindangi Ni Jahowa Ndang Mamangke Silang di Panombaon Nasida?

Boasa Sitindangi Ni Jahowa Ndang Mamangke Silang di Panombaon Nasida?

Dirimpu godang halak, silang do tanda ni halak Kristen. Nang pe Sitindangi Ni Jahowa halak Kristen, alai ndang dipangke hami silang tingki manomba Debata. Boasa?

Alana, Bibel patorangkon molo Jesus mate di sada tiang ndang mate diparsilangkon. Asing ni i, Bibel pasingothon halak Kristen asa pasidingkon ”parsombaon tu ganaganan”. Lapatanna, ndang boi pangkeon silang tingki manomba Debata.—1 Korint 10:14 Bibel siganup ari; 1 Johannes 5:21.

Tangkas do didok Jesus, ”Apala sian on ma tandaon ni halak saluhutna, hamu siseanku: Molo masihaholongan hamu.” (Johannes 13:34, 35) Marhite hata on tangkas ma dipatudu Jesus molo holong, i ma tanda ni angka siihuthon ibana, ndang silang manang gombar na asing.