Pintor tu konten

Pintor tu menu namangihut

Sitindangi Ni Jahowa

Batak (Toba)

Songon dia do Pandapot ni Sitindangi Ni Jahowa taringot tu Parsirangan?

Songon dia do Pandapot ni Sitindangi Ni Jahowa taringot tu Parsirangan?

Marsitutu do hami mangulahon poda sian Bibel taringot tu parsaripeon dohot parsirangan. Na tinuju ni Debata mambahen parsaripeon, i ma asa boi baoa dohot borua mardongan saripe salelenglelengna. Bibel paboahon, holan alani parmainanon do sasahalak boi marsirang.​—Mateus 19:​5, 6, 9.

Diurupi Sitindangi Ni Jahowa do angka halak na sursar parsaripeonna?

I do, marhite:

  • Publikasi. Adong do angka sijahaon na boi mangurupi na mardongan saripe asa martahan parsaripeonnasida nang pe sipata adong ambatambat. Umpamana, ida ma artikel ”Mempertahankan Komitmen dalam Perkawinan”, ”Bagaimana Agar Bisa Memaafkan” dohot ”Membangun Kembali Kepercayaan”.

  • Parpunguan. Diulas hami do angka poda sian Bibel taringot tu parsaripeon di parpunguan dohot di kebaktian.

  • Angka Sintua. Rade do angka sintua mangurupi na mardongan saripe asa mangihuthon poda ni Bibel songon na disurat di Epesus 5:​22-​25.

Ingkon disetujui sintua do parsirangan ni sahalak Sitindangi?

Ndang songon i. Boi do angka sintua mangurupi parsaripeon na sursar, alai ndang na gabe nasida na manontuhon aha na ingkon diulahon na marsaripe i. (Galatia 6:5) Molo ndang alani parmainanon na marsaripe marsirang, ndang boi nasida marhasohotan tu na asing.—1 Timoteus 3:​1, 5, 12.

Songon dia do pandapot ni Sitindangi taringot na padaodao?

Dijujui Bibel do na mardongan saripe asa tongtong marsada dohot dongan saripena nang pe adong parsoalan. (1 Korint 7:​10-​16) Godang do parsoalan na boi dipasae molo marsitutu martangiang, mangihuthon poda ni Bibel, jala marsitutu patuduhon holong.​—1 Korint 13:​4-8; Galatia 5:​22.

Nang pe songon i, adong do parsoalan na mambahen angka na mardongan saripe padaodao:

  • Ndang disarihon keluargana.​—1 Timoteus 5:8.

  • Jotjot mamungkuli dongan saripena.​—Psalmen 11:5.

  • Diorai mangulahon sude ulaon partondion. Umpamana, sasahalak mamaksa dongan saripena na Sitindangi asa unang mangulahon patik ni Debata. Molo masa sisongon i, boi do dipillit na Sitindangi i padaodao alana ”ingkon oloan do [hita] di Debata asa di jolma”!​—Ulaon ni Apostel 5:​29.