Pintor tu konten

Pintor tu menu namangihut

Sitindangi Ni Jahowa

Batak (Toba)

Boasa Sitindangi Ni Jahowa Marbarita Muse tu Halak na Hea Mandok ”Ndang Lomo Rohangku”?

Boasa Sitindangi Ni Jahowa Marbarita Muse tu Halak na Hea Mandok ”Ndang Lomo Rohangku”?

Ala holong rohanami tu Jahowa dohot tu angka jolma, marsitutu ma hami marbarita na uli tu sude halak, dohot ma i tu halak na hea mandok ”ndang lomo rohangku”. (Mateus 22:37-39) Holong ni roha tu Debata, mangonjar rohanami mangoloi parenta ni anakNa asa ”mangkatindangkon tu natorop”. (Ulaon ni Apostel 10:42; 1 Johannes 5:3) Alani i ma ndang holan sahali dipaboa hami barita i, dos songon na diulahon angka panurirang ni Debata najolo. (Jeremia 25:4) Ala holong rohanami tu angka jolma, hupaboa hami ma ”barita na uli on na taringot tu Harajaon”, na boi parohon haluaon, nang pe ndang lomo roha ni nasida manangihon barita i di mulana.Mateus 24:14.

Jotjot do hami pajumpang dohot halak na manjangkon, di jabu ni halak na so manjangkon hian. Aha na mambahen?

  • Marganti halak na mangingani jabu i.

  • Adong halak na asing di jabu i na olo manjangkon.

  • Muba do situasi ni sasahalak. Situasi dohot na masa boi mambahen sasahalak gabe mauas di partondion jala olo manjangkon barita na uli. (Mateus 5:3) Halak na so olo manjangkon pe boi do muba rohana dos songon na dihilala apostel Paulus.1 Timoteus 1:13.

Alai ndang olo hami mamaksa halak manjangkon barita na uli. (1 Petrus 3:15) Diboto hami do ganup halak marhak mamillit taringot tu partondion.5 Musa 30:19, 20.