Pintor tu konten

Pintor tu menu namangihut

Sitindangi Ni Jahowa

Batak (Toba)

Ise do na Mamungka Sitindangi Ni Jahowa?

Ise do na Mamungka Sitindangi Ni Jahowa?

Sejarah modern Sitindangi Ni Jahowa dimulai di ujung ni abad 19. Di tingki i, punguan na metmet na manulingkiti Bibel, maringanan di jonok ni Pittsburgh, Pennsylvania, di Amerika Serikat. Marsitutu do nasida manulingkiti isi ni Bibel. Alani i, diboto nasida ma imbar ni ajaran ni gereja dohot ajaran ni Bibel. Dipabinsar nasida ma aha na diparsiajari nasida di bagasan buku, koran, dohot jurnal na ditanda saonari Joujou Paboahon—Barita Harajaon ni Jahowa.

Di punguan na metmet na manulingkiti Bibel i, adong sahalak baoa na margoar Charles Taze Russell. Nang pe si Russell na manguluhon ulaon parsiajaran Bibel di tingki i, jala ibana do editor ni Joujou Paboahon na parjolo, alai ndang mamungka agama na baru ibana. Na tinuju ni si Russell dohot punguan i, laho mamaritahon ajaran ni Jesus Kristus dohot ulaon ni halak Kristen di abad na parjolo. Ala Jesus do na mamungka Hakristenon, pos do rohanami molo ibana na mamungka organisasinami.—Kolosse 1:18-20.