Pintor tu konten

Pintor tu menu namangihut

Sitindangi Ni Jahowa

Batak (Toba)

Sursar do Keluarga Dibahen Sitindangi Ni Jahowa manang Gabe Martua?

Sursar do Keluarga Dibahen Sitindangi Ni Jahowa manang Gabe Martua?

Lomo do roha ni Sitindangi Ni Jahowa asa martua keluarga, keluarga ni nasida manang keluarga ni na asing. Dipasangap hami do Debata, Sitompa keluarga. (1 Musa 2:21-24; Epesus 3:14, 15) Di Bibel, dilehon Ibana do angka prinsip na mangurupi sude keluarga asa martua.

Sitindangi Ni Jahowa Mambahen Martua Keluarga

Marsitutu do hami mangihuthon poda ni Bibel, na mangurupi hami asa lam denggan gabe tunggani doli, tunggani boru, dohot natuatua. (Poda 31:10-31; Epesus 5:22–6:4; 1 Timoteus 5:8) Poda ni Bibel pe boi mangurupi keluarga na so sahaporseaon asa martua. (1 Petrus 3:1, 2) Parrohahon ma hatorangan sian pigapiga halak na dongan saripena sahalak Sitindangi Ni Jahowa:

  • ”Saleleng onom taon hami marrumatangga, holan na marbadai do hami. On mambahen hami stres. Alai, dungkon si Ivete gabe Sitindangi Ni Jahowa, gabe lam parholong ma ibana jala lambok. Hamubaon na binahenna on, patoguhon parsaripeonnami.”—Clauir, sian Brazil.

  • ”Ndang lomo rohangku tingki tunggani dolingku, si Chansa, marsiajar Bibel dohot Sitindangi Ni Jahowa, ala hurimpu nasida mambahen sursar parumatanggaonnami. Hape, ndang songon i. Diurupi Bibel do parsaripeonnami.”—Agness, sian Zambia.

Tingki marbarita na uli, dipatorang hami do molo poda ni Bibel boi mangurupi asa

  • Marbisuk mamillit dongan saripe

  • Rade mangadopi na masa tingki baru marhasohotan

  • Denggan maradophon simatua

  • Mangatur parhepengon

  • Unang sai marbadai

  • Unang sai marbadai

  • Rade mangajarajari ianakhon

Sursar do parsaripeon alani pinda agama?

Sipata, olo do songon i. Umpamana, mangihuthon laporan taon 1998 sian lembaga riset Sofres,[11] dipaboa molo 1 sian 20 rumatangga na so Sitindangi dongan saripena, sursar rumatanggana.

Hea do Jesus mandok molo halak na mangihuthon ibana ingkon mangadopi paraloan sian keluarga. (Mateus 10:32-36) Sahalak sejarawan, si Will Durant mandok, di tingki Kekaisaran Romawi ”ajaran ni Kristen mambahen sursar keluarga”. * Saonari pe, didok do hata na sarupa tu Sitindangi Ni Jahowa. Alai, tutu do alani Sitindangi gabe sursar keluarga?

Mahkamah Eropa untuk Hak Asasi Manusia

Tingki mambahen haputusan taringot kasus ni Sitindangi Ni Jahowa na mambahen sursar keluarga,Mahkamah Eropa untuk Hak Asasi Manusia mandok, jotjot do anggota keluarga na so Sitindangi mambahen parbadaan di keluarga, ala so olo nasida ”manjalo dohot mangargai haporseaon ni keluargana na Sitindangi”. Mahkamah i muse mandok, ”Somal do on masa di keluarga na so sahaporseaon, dohot ma i Sitindangi Ni Jahowa.” * Tingki adong na sogo rohana mangida haporseaon ni Sitindangi, marsitutu do Sitindangi Ni Jahowa mangihuthon poda ni Bibel, i ma, ”Unang baloshon hamu na jat alo ni na jat. . . . Molo tarbahen, intap na tarpatupa hamu, tiop hamu ma dame maradophon halak saluhutna.”—Rom 12:17, 18.

Boasa Sitindangi Ni Jahowa ingkon marhasohotan tu dongan sahaporseaonna

Angka Sitindangi mangoloi parenta ni Bibel na mandok, ingkon marhasohotan ”marhitehite Tuhan i”, lapatanna, marhasohotan holan tu dongan sahaporseaon. (1 Korint 7:39) Parenta on ndang holan hatahata sambing, alai marlaba do tu hita. Umpamana, artikel taon 2010 di Journal of Marriage and Family patorangkon, molo ”sahaporseaon sahalak tunggani doli dohot tunggani boruna”, somalna denggan do parumatanggaon ni nasida. *

Alai, angka Sitindangi ndang dijujui asa marsirang sian dongan saripena na so Sitindangi. Bibel mandok, ”Molo so porsea (so Kristen) pardihuta ni sada dongan, unang ma dipaulak, anggo na lomo roha ni parompuan manginganhon ibana. Jala molo so porsea (so Kristen) hamulian ni sada boruboru, unang ma ditadingkon, anggo na lomo roha ni baoa i manginganhon ibana.” (1 Korint 7:12, 13) Unduk do Sitindangi Ni Jahowa tu parenta on.

^ par. 17 Ida ma Caesar and Christ, alaman 647.

^ par. 18 Ida ma haputusan taringot kasus Sitindangi Ni Jahowa Moskwa dohot Na Asing vs Rusia, alaman 26-27, paragraf 111.

^ par. 20 Ida ma Journal of Marriage and Family, Jilid 72, Nomor 4, (Agustus 2010), alaman 963.