Marsitutu do Sitindangi Ni Jahowa asa mangihuthon Bibel. Alani i, adong ma pigapiga na muba sian pangantusionnami dung lam tangkas diantusi hami ayat ni Bibel. *

Songon na didok di Poda 4:18, ”Alai anggo lapang ni halak partigor tudos tu buha siang ari, lam tu tiurna do, sahat ro di hos ni ari.” Songon parbinsar ni mata ni ari na lam leleng lam tiur, songon i ma nang pangantusion na dilehon Debata, lam dipatangkas dung jumpang tingkina. (1 Petrus 1:10-12) Songon na disurirangkon di Bibel, lam godang ma pangantusion na dilehon Debata di ari parpudi on.Daniel 12:4.

Ndang songgot jala ndang ganggu rohanami ala muba pangantusionnami. Sisomba ni Debata najolo pe, hea do sala mangalapati manang mangkirim. Alani i, porlu do pangantusion nasida dipatingkos.

  • Dirimpu si Musa do dirina sipalua halak Israel, 40 taon andorang so disuru Debata dope ibana.Ulaon ni Apostel 7:23-25, 30, 35.

  • Sala do pangantusion ni angka apostel tu surirang taringot andigan Mesias mate jala hehe.Jesaya 53:8-12; Mateus 16:21-23.

  • Sala do pangantusion ni halak Kristen na parjolo taringot andigan ro ”ari ni Tuhan i”.2 Tessalonik 2:1, 2.

Diurupi Debata do nasida asa marpangantusion na sintong. Suang songon i, dipangido hami do asa diurupi Debata hami saonari.Jakobus 1:5.

^ par. 2 Ndang olo hami manabunihon molo adong na muba di pangantusionnami. Disurat do i jala dipaboa do tu na asing. Ida ma di bagian ”Pengertian yang Diperjelas” di referensi online publikasinami.