Pintor tu konten

Sitindangi Ni Jahowa

Pillit Hata Batak (Toba)

Sian dia do Hepeng na Dipangke tu Ulaon ni Sitindangi Ni Jahowa?

Sian dia do Hepeng na Dipangke tu Ulaon ni Sitindangi Ni Jahowa?

Hepeng na dipangke tu ulaon marbarita, sian sumbangan ni Sitindangi Ni Jahowa. Ndang adong kolekte dohot parsampuluan di parpunguannami. (Mateus 10:7, 8) Alai, adong do kotak sumbangan na diparade di inganan parpunguannami tu angka halak na olo mangalehon sumbangan. Ndang dipaboa goar ni na mangalehon sumbangan i.

Na mambahen ndang pola godang hepeng na dipangke tu ulaonnami, ala ndang adong pangula ni huria na digaji. Asing ni i, ndang digaji angka Sitindangi tingki marbarita sian jabu tu jabu, jala sesep do inganan parpunguannami.

Sumbangan na dipasahat tu kantor cabang ni Sitindangi Ni Jahowa dipangke laho mangurupi na hona mara, mangurupi angka misionaris, sintua kaliling, pajongjongkon inganan parpunguan di negara berkembang, dohot mancetak Bibel dohot buku na asing.

Ganup halak boi manontuhon laho mangalehon sumbangan na dipangke tu huria manang tu ulaon di liat portibi on. Ganup huria mambahen laporan keuangan, jala ingkon diboto ruas ni huria do i.