Pintor tu konten

Pintor tu menu namangihut

Sitindangi Ni Jahowa

Batak (Toba)

Asa Mandapot Haluaon do Sitindangi Ni Jahowa Umbahen na Marbarita Nasida sian Jabu tu Jabu?

Asa Mandapot Haluaon do Sitindangi Ni Jahowa Umbahen na Marbarita Nasida sian Jabu tu Jabu?

Ndang songon i. Tutu do, marbarita hami sian jabu tu jabu. Alai, porsea do hami ndang alani na marbarita gabe boi hami mandapot haluaon. (Epesus 2:8) Boasa boi songon i?

Pingkiri ma on: Adong ma sahalak baoa na burju. Ibana marjanji laho mangalehon hadiah na arga tu sude halak na olo ro tu sada inganan naung ditontuhon. Molo porsea hamu tu baoa i, oloanmuna do ibana? Tontu oloanmuna do! Ra, togihononmuna do keluarga dohot angka dongan asa mandapot hadiah i. Alai, ndang holan ala dioloi hamu baoa i, gabe boi hamu mandapot hadiah i. Ingot ma, silehonlehon do hadiah i.

Songon i ma nang Sitindangi Ni Jahowa. Porsea do hami molo halak na mangoloi Debata mandapot hangoluan na salelengna. (Rom 6:23) Marsitutu do hami paboahon haporseaonnami tu na asing, asa boi nasida mandapot pasupasu sian Debata. Alai, pos do rohanami, ndang alani na marbarita gabe boi hami mandapot haluaon. (Rom 1:17; 3:28) Sasintongna, aha pe na taulahon, ndang tama hita mandapot pasupasu na arga sian Debata. ”Ndada ala ni ulaonta hatigoran, umbahen na dipalua Ibana hita; tung sian asi ni rohana do.”—Titus 3:5