Pintor tu konten

Pintor tu menu namangihut

Sitindangi Ni Jahowa

Batak (Toba)

Boasa Sitindangi Ni Jahowa Marbarita na Uli tu Halak Naung Maragama?

Boasa Sitindangi Ni Jahowa Marbarita na Uli tu Halak Naung Maragama?

Godang do halak naung maragama marlomo ni roha mangulas isi ni Bibel dohot hami. Alai, diargai hami do hak ni na asing laho mamillit agama, jala ndang dipaksa hami angka halak asa manjalo barita na dipasahat hami.

Tingki mangulas taringot agama, marsitutu do hami mangihuthon poda sian Bibel asa mamangke ”roha na lambok” jala patuduhon ”roha na hormat” tu na asing. (1 Petrus 3:16, Bibel siganup ari) Diboto hami do adong halak na so olo manjangkon barita na dipasahat hami. (Mateus 10:14) Alai, ingkon mangkatai do hami tu nasida asa diboto hami songon dia pandapot ni nasida. Jala diboto hami do boi muba situasi ni sasahalak.

Umpamana, di sada tingki olo do godang ulaon ni sasahalak na mambahen ibana ndang sanga mangkatai dohot hami. Alai di tingki na asing, olo do ibana rade mangkatai tu hami. Adong do muse halak na marsak alani sitaonon dohot parungkilon. Ala porlu pangurupion di nasida, taronjar ma roha ni nasida manjangkon barita na uli. Alani i ma, ndang holan di sada tingki hami manjumpangi na asing.