Botswana, i ma inganan pertambangan berlian na umbalga di portibi on. Mulai tanggal 22 sahat tu 28 Agustus 2016, angka Saksi Jahowa na disi patuduhon marragam berlian na mansai uli di Botswana Consumer Fair. Berlian na didok disi, i ma angka sijahaon na marisi hatorangan sian Bibel, situs web jw.org, dohot angka video na boi mangurupi keluarga asa martua.

Lomo do roha ni angka natuatua dohot dakdanak mangida video Gabe Aleale ni Jahowa, na paboahon cara mangulahon poda sian Bibel. Godang do na mangido angka video na tabahen, alana adong do pigapiga video na mamangke bahasa Setswana, bahasa na dipangke di Botswana.

Godang do na ro sian marragam inganan di luat i. Dijalo nasida ma hirahira 10.000 sijahaon jala adong 120 halak na olo marsiajar Bibel. Godang do na mamuji ulaon on, ala diida nasida rap saulaon do akka Saksi sian huria bahasa Inggris dohot huria bahasa Setswana.

Tikki diparrohahon menejer ni acara i ulaon ni Saksi Jahowa disi, dilehon ma hadiah tu Saksi Jahowa.