1. Boasa dipatudos halak Kristen songon hau na lentuk? (Ida gambar.)

 HEA do diida hamu hau kalapa tikki gogo mangullus alogo? Melengkung do hau i jala dang ponggol. Boasa boi songon i? Alana lentuk do hau i. Ikkon songon i do tong halak Kristen, ikkon lentuk ma hita asa boi toktong marlas ni roha manomba Jahowa. Songon dia carana? Bersikap masuk akkal ma hita marhite menyesuaihon diri tikki muba situasitta. Molo bersikap masuk akkal hita, boi ma muse taargai pandangan dohot keputusan ni na asing.

2. Sifat aha do na boi mangurupi hita tikki muba situasitta, jala aha do na lao tabahas di artikel on?

² Ala naposo ni Jahowa hita, lomo do rohatta asa bersikap masuk akkal. Lomo do muse rohatta patuduhon serep ni roha dohot asi ni roha. Di artikel on, tabahas ma songon dia akka sifat i mangurupi akka donganta na marhasil tikki muba situasi ni nasida. Tabahas ma muse songon dia akka sifat i boi mangurupi hita. Alai na parjolo marsiajar ma jo hita sian Jahowa dohot Jesus na gabe teladan na sempurna taringot patuduhon sikap masuk akkal.

3. Sian dia do taboto na masuk akkal do Jahowa i?

³ Didok do Jahowa i “Dolok Batu” alana togu do Ibana jala dang muba-uba. (5 Mus. 32:4) Alai nang pe songon i, masuk akkal do tong Ibana. Nang pe muba-uba situasi di portibi on, alai boi do saut sude lomo ni roha ni Jahowa ala lentuk Ibana. Ditoppa Jahowa do jolma tudos songon Ibana, alani i hita pe boi do menyesuaihon diri tikki muba situasitta. Dilehon Jahowa do muse akka prinsip ni Bibel na boi mangurupi hita  mambahen keputusan na marbisuk, dang soal tantangan aha pe na taadopi. Teladan ni Jahowa dohot akka prinsip na dilehon Ibana tu hita gabe bukti nang pe Jahowa “Dolok Batu”, alai boi do Ibana bersikap masuk akkal.

4. Paboa ma contohna songon dia Jahowa patuduhon sikap masuk akkal. (3 Musa 5:7, 11)

⁴ Sempurna do dalan ni Jahowa jala masuk akkal. Dang kaku Ibana tikki berurusan dohot jolma. Contohna taida ma songon dia Jahowa patuduhon sikap masuk akkal tikki berurusan dohot halak Israel najolo. Dang dipangido Jahowa asa sarupa pelean na dilehon nasida. Di piga-piga situasi, diloas Ibana do ganup halak, na mora manang na pogos, mangalehon pelean sesuai tu kesanggupan ni nasida.​—Jaha 3 Musa 5:7, 11.

5. Paboa ma contohna songon dia Jahowa patuduhon serep ni roha dohot asi ni roha.

⁵ Masuk akkal do Jahowa ala serep rohana jala marasi ni roha. Misalna, dipatudu Jahowa do serep ni rohana tikki naeng pamatehon halak Sodom na jahat. Disuru Jahowa do suru-suruanna lao paboahon tu si Lot halak na tigor marroha asa lari tu inganan na mardolok-dolok. Mabiar do si Lot lao tu inganan i. Alani i dipangido ibana ma asa diloas Jahowa ibana dohot keluargana lao tu Kota Zoar na seharusna dihancurhon Jahowa. Boi do sasittongna Jahowa mandok ikkon ihuttonon ni si Lot do parettana. Alai diloas Jahowa do si Lot lao tu Zoar jala dang dihancurhon Ibana kota i. (1 Mus. 19:18-22) Marratus taon dukkon i, dipatudu Jahowa do asi ni roha tu halak Ninive. Tikki i, disuru Ibana do Panurirang Jona paboahon lao dihancurhon nama kota i jala pamateonna ma akka halak na disi. Alai dung diida Jahowa bertobat halak Ninive, gabe asi ma roha ni Jahowa tu nasida jala dang dihancurhon Jahowa be kota i.​—Jona 3:1, 10; 4:10, 11.

6. Paboa ma piga-piga contoh songon dia Jesus maniru sikap masuk akkal ni Jahowa.

⁶ Ditiru Jesus do sikap masuk akkal ni Jahowa. Sasittongna, “holan tu halak Israel na songon biru-biru na lilu” do Jesus disuru marbarita. Alai dipatudu Jesus do sikap masuk akkal tikki marbarita tu akka halak. Contohna hea ma adong sahalak borua na so halak Israel mangelek-elek tu Jesus asa dipamalum boruna na disonggopi suru-suruan na jahat. Asi do roha ni Jesus tu borua i, jala dipamalum ma boruna i. (Mat. 15:21-28) Parrohahon ma muse contoh na asing. Di awal ni pelayanan ni Jesus, didok ibana do, “Manang ise na maila mananda au . . . , au pe maila ma mananda ibana.” (Mat. 10:33) Alai tikki tolu hali disoadahon si Petrus Jesus, dang gabe ditolak Jesus ibana. Alana diboto Jesus do halak na setia do si Petrus jala botul-botul do ibana manolsoli tindakanna i. Dung dipahehe, dipataridahon Jesus do dirina tu si Petrus jala dipapos do roha ni si Petrus nungnga diampuni be ibana jala holong do roha ni Jesus tu si Petrus.​—Luk. 24:33, 34.

7. Sesuai tu Pilippi 4:5, ikkon songon dia ma hita ditanda halak?

 ⁷ Nungnga taida be songon dia Jahowa dohot Jesus patuduhon sikap masuk akkal. Boha do molo hita? Dipangido Jahowa do hita asa marbisuk. (Jaha Pilippi 4:5.) Sada terjemahan ni Bibel manerjemahon ayat on, “Patuduhon ma tu saluhut halak na bersikap masuk akkal hamu.” Tasukkun ma diritta, ‘Ditanda do au halak na masuk akkal jala olo mengalah? Manang ditanda do au halak na kaku, kasar, jala sijogal rukkung? Hupaksa do halak na asing asa mangihutton na hubahen? Manang olo do au mengalah dohot manangihon na asing?’ Molo masuk akkal hita, berarti na tatiru do Jahowa dohot Jesus. Saonari tabahas ma songon dia hita patuduhon sikap masuk akkal tikki muba situasitta, jala tikki dang sarupa keputusan ni akka dongan tu hita.

8. Aha do na boi mangurupi hita bersikap masuk akkal tikki muba situasitta? (Ida surat na di toru.)

⁸ Ikkon masuk akkal do hita tikki muba situasitta. Alana tikki muba situasitta, olo do ro akka masalah na so hea dope tabayakkon. Misalna olo do marsahit na parah hita, muba situasi di parhepengonta, manang muba situasi politik na mambahen susa ngolutta. (Pjm. 9:11; 1 Kor. 7:31) Bahkan olo do muba tugasta di organisasi ni Jahowa. Manang aha pe tantanganna, boi do hita marhasil menyesuaihon diri tu situasi na baru molo taihutton opat langkah on: (1) tasadari ma nungnga muba be situasitta, (2) berfokus ma tu ari na naeng ro, (3) rimangi ma akka na denggan di ngolutta, jala (4) taurupi ma na asing. b Saonari tabahas ma jo songon dia akka donganta mandapot manfaat ala mangihutton opat langkah on.

9. Aha do na diulahon sapasang misionaris tikki masa sitaonon na so tarduga tu nasida?

⁹ Tasadari ma nungnga muba be situasitta. Ditugasson do si Emanuele dohot si Francesca gabe misionaris tu luar negeri. Tikki baru dope nasida marsiajar bahasa jala bergabung tu huria ni nasida na baru, masa ma pandemi COVID-19, jala ikkon jaga jarak do nasida. Dung i toppu do marujung ngolu omak ni si Francesca. Lomo hian do roha ni si Francesca asa boi rap dohot keluargana, alai dang boi nasida mulak alani pandemi. Aha do na mangurupi si Francesca nang pe masa situasi na maol tu ibana? Parjolo martangiang do si Emanuele dohot si Francesca mangido bisuk ganup ari. Dialusi Jahowa do tangiang ni nasida i marhite akka na diparade organisasi. Misalna dipatogu do nasida tikki manonton sada video wawancara ni sahalak donganta. Didok donganta i do di video i, “Molo hatop hita menyadari nungnga muba be situasitta, gabe hatop ma tong hita marlas ni roha.” c Na paduahon, berupaya do nasida asa lam terampil marbarita marhite telepon dohot mamulai parsiajaran Bibel. Na patoluhon, olo do nasida manjalo bantuan sian akka dongan sahaporseaon jala mandok mauliate tu holong ni akka dongan i. Adong do sahalak donganta borua na burju mangirim tu nasida pesan singkat na marisi ayat ni Bibel ganup ari di bagasan sataon. Molo tasadari nungnga muba be situasitta, boi ma hita marlas ni roha mangulahon akka na boi taulahon.

10. Songon dia do sahalak donganta borua menyesuaihon diri tu perubahan na balga di ngoluna?

¹⁰ Berfokus ma tu ari na naeng ro jala rimangi ma akka na denggan di ngolutta.  Si Christina sahalak donganta borua sian Rumania na tinggal di Jepang hea do kecewa ala ditutup huriana na marbahasa Inggris. Alai dang sai berfokus ibana tu perasaanna i. Gariada diputusson ibana do lao mendukung huria na marbahasa Jepang jala berupaya do ibana sian nasa tolapna marbarita tu halak Jepang di daerahna. Dipangido ibana ma dongan sakarejona hian lao mangurupi ibana asa lam malo marbahasa Jepang. Setuju do borua i mangajari si Christina marbahasa Jepang mamakke Bibel dohot brosur Mangolu Saleleng ni Lelengna. Aha do hasilna? Gabe lam malo ma si Christina marbahasa Jepang jala na paling penting gabe tertarik do borua i mamboto lam godang taringot Bibel. Jadi molo berfokus hita tu ari na naeng ro dohot akka na denggan di ngolutta, perubahan aha pe na toppu masa boi do parohon pasu-pasu na so hea dope tabayakkon.

11. Aha do na mangurupi sapasang suami istri tikki susa nasida di parhepengon?

¹¹ Urupi ma na asing. Susa do dihilala sapasang suami istri na tinggal di negara na mangorai ulaonta. Bangkrut do negara i, gabe dang adong be penghasilan ni nasida na tetap. Alai songon dia do nasida menyesuaihon diri? Parjolo dibahen nasida do sederhana parngoluon ni nasida. Dung i, dang sai berfokus nasida tu masalah ni nasida. Gariada fokus do nasida lao mangurupi na asing, marhite ringgas marbarita na uli. (Ul. 20:35) Didok suamina, “Ala sibuk hami marbarita na uli, gabe dang adong be tikkinami marpikkiran negatif, alai lam godang ma tikkinami mangulahon lomo ni roha ni Debata.” Tikki muba situasitta, taingot ma ikkon torus do hita mangurupi na asing, tarlumobi marhite marbarita na uli.

12. Songon dia do teladan ni Apostel Paulus mangurupi hita asa bersikap masuk akkal tikki marbarita?

¹² Tikki marbarita, porlu do hita bersikap masuk akkal. Alana marasing-asing do budaya, latar belakang, dohot agama ni akka halak na tajuppangi. Boi do hita marsiajar sian Apostel Paulus na bersikap masuk akkal. Dilantik Jesus do ibana gabe “apostel tu akka bangso na asing”. (Rom 11:13) Alani i marbarita do si Paulus tu halak Jahudi, halak Junani, parsikkola na timbo, rakyat biasa, pejabat pamaretta, dohot akka raja. Ikkon ‘dibahen si Paulus do sian nasa gogona’ asa boi baritana i hona tu roha ni nasida. (1 Kor. 9:19-23) Manat do diparrohahon ibana budaya, latar belakang, dohot haporseaon ni akka halak na manangihon ibana. Jala disesuaihon ibana do baritana i asa menarik tu nasida. Hita pe boi do lam terampil marbarita molo rade hita menyesuaihon diri jala mamikkirhon songon dia asa tertarik akka halak tu barita na tapasahat.

13. Sesuai tu 1 Korint 8:9, aha do bahayana molo dang taargai pandangan ni na asing?

¹³ Boi do taargai pandangan ni na asing molo tapatudu sikap masuk akkal. Misalna, adong do donganta borua na lomo rohana mardandan, hape na asing dang pola lomo rohana. Adong do muse piga-piga halak Kristen na minum minuman beralkohol, hape na asing dang olo manginum i. Sude do halak Kristen lomo rohana asa tetap sehat, alai marasing-asing do pilihan ni nasida taringot perawatan kesehatan. Molo tapikkir pandapotta do na sittong jala sai tapaksahon dongan sahaporseaon asa mangihutton na tabahen, boi do gabe tartuktuk nasida jala dang marsada be huria. Tottu dang lomo rohatta masa i! (Jaha 1 Korint 8:9; 10:23, 24) Saonari tabahas ma dua contoh songon dia hita mangulahon prinsip ni Bibel na mangurupi hita asa seimbang jala boi manjaga hadameon.

14. Prinsip ni Bibel na dia do na boi mangurupi hita mambahen keputusan taringot pakkean dohot gaya rambut?

 ¹⁴ Pakkean dohot dandanan. Dang dibahen Jahowa aturan na kaku taringot songon dia caratta marpakkean. Alai dilehon Ibana do prinsip na boi taihutton. Ikkon pasangappon Debata do caratta marpakkean, jala ikkon tapakke ma “pakkean na tama mardongan toruk ni roha dohot bisuk”. (1 Tim. 2:9, 10; 1 Ptr. 3:3) Alani i, tottu dang olo hita mambahen akka halak berfokus tu penampilanta. Prinsip ni Bibel pe boi do mangurupi akka sintua asa unang mambahen peraturan sandiri taringot gaya rambut dohot cara marpakkean. Misalna, lomo do roha ni akka sintua mangurupi akka donganta bawa na poso asa unang maniru gaya rambut na tren di portibi on, tarsongon gaya rambut pendek alai dang rapi. Songon dia ma akka sintua i mangurupi nasida alai dang pola mambahen peraturan? Sahalak pengawas wilayah mangalehon saran tu akka sintua i lao mandokkon tu akka donganta na poso i, “Tikki hamu pasahatton bagianmuna di parpunguan sian mimbar jala diida hamu ma lebih berfokus akka dongan tu penampilanmuna sian tu na didokmuna, berarti adong do na sala di cara marpakkean dohot gaya rambutmuna.” On mangurupi akka na poso i mangattusi aha do na porlu ulahonon ni nasida jala akka sintua pe dang pola porlu mambahen peraturan. d

15. Hukum dohot prinsip ni Bibel na dia do na boi mangurupi hita mamillit perawatan kesehatan? (Rom 14:5)

¹⁵ Perawatan kesehatan. Ganup halak Kristen ikkon mamutusson sandiri perawatan kesehatan ni nasida. (Gal. 6:5) Di Bibel holan otik do hukum taringot perawatan kesehatan na ikkon diihutton halak Kristen, i ma asa padaohon diri sian mudar jala unang mardatu. (Ul. 15:20; Gal. 5:19, 20) Asing sian i, boi do nasida mamillit sandiri pengobatan na boi  dijalo nasida. Adong do piga-piga donganta na mamillit pengobatan tu tenaga medis jala na deba nai mamillit pengobatan na asing. Olo do ra tapikkir denggan do manang berbahaya do sada jenis perawatan kesehatan. Alai nang pe songon i, ikkon taargai do hak ni akka donganta mambahen keputusan tu perawatan kesehatan ni nasida sandiri. Taringot on, adong opat na porlu taingot: (1) Holan Harajaon ni Debata do na boi pamaluppon dohot pasaehon sude sahit. (Jes. 33:24) (2) Ganup halak Kristen ikkon ‘pos do rohana tu na pinillitna’. (Jaha Rom 14:5.) (3) Unang ma tauhumi na asing jala unang ma taulahon manang aha pe na mambahen nasida tartuktuk. (Rom 14:13) (4) Ikkon dipatudu halak Kristen do holong jala uppetting do di nasida manjaga huria toktong dame, sian mamaksahon pandapot pribadi. (Rom 14:15, 19, 20) Molo torus taingot na opat on, gabe boi ma hita lam akrab tu dongan sahaporseaon jala manjaga huriatta toktong dame.

16. Songon dia do sahalak sintua patuduhon sikap masuk akkal tikki berurusan dohot akka sintua na asing? (Ida gambar.)

¹⁶ Ikkon gabe teladan do akka sintua patuduhon sikap masuk akkal. (1 Tim. 3:2, 3) Misalna, sahalak sintua dang mamaksahon asa diihutton pandapotna holan ala ibana do na uttua manang lebih berpengalaman sian sintua na asing. Sadar do ibana na boi tondi parbadia ni Jahowa mambahen sintua na dia pe mangalehon saran na marguna na boi mangurupi nasida mambahen keputusan na denggan. Jala molo godangan akka sintua setuju tu sada keputusan na so maralo tu prinsip ni Bibel, ikkon olo do ibana mendukung keputusan i nang pe bisa jadi berbeda sian pandanganna.

17. Aha do manfaatna molo masuk akkal hita?

¹⁷ Molo masuk akkal hita, godang do manfaat na tadapot. Boi ma lam denggan hubungatta tu dongan sahaporseaon jala dame ma huria. Boi ma hita muse marlas ni roha nang pe marasing-asing kepribadian dohot budaya ni naposo ni Jahowa. Jala na luar biasa, nang pe hita sude marasing-asing boi do hita gabe sada keluarga manomba Jahowa. Na uppetting, boi ma hita marlas ni roha mamboto nungnga tatiru be Jahowa, Debata na masuk akkal.