Gempa bumi . . . halisuksung . . . serangan teroris . . . Kasus penembakan di sikkola. Sering do i tabege di barita. Jala pasti mabiar do hita tikki mambege manang manjaha barita i. Alai umhaccit dope molo masa i tu hita. Jadi asa boi hita selamat, aha do na ikkon taulahon sebelum, saleleng, jala dukkon terjadi bencana?

BOI DO masa bencana tu hita sude. Asa boi hita selamat ikkon tabahen do persiapan. Alai akka aha do na porlu tapersiappon?

•   Pikkiran. Porlu do taingot boi do masa bencana manang sadihari pe. Jala boi do hita, keluargatta, dohot donganta na gabe korban. Molo taingot i pasti taronjar ma rohatta lao mambahen persiapan sebelum masa bencana.

•   Porlu do diboto hamu bencana aha na boi masa di daerahmuna. Jala porlu do diboto hamu didia inganan lao mengungsi. Parrohahon ma songon dia kondisi dohot lokasi ni jabumuna. Manat ma hamu tikki mamakke barang na mura tartutung. Misalna, obat nyamuk, sigaret, lilin, korek api, minyak lampu dohot bahan bakar na asing. Jala unang ma tinggalhon tikki galak dope kompormuna.

•   Parade ma persediaan darurat. Tikki masa bencana, biasana mate do listrik, aek, jaringan telepon jala dang adong kendaraan umum. Jadi molo adong mobil manang karetamuna, unang ma sappe kosong bahan bakarna, pinomatna ikkon adong ma satonga. Parade ma sipanganon, siinumon dohot kebutuhan tu keadaan darurat.​—Ida ma kotak “ Persediaan Darurat na Dihaporluhon Tikki Masa Bencana”

•   Sippan ma nomor telepon ni akka donganmuna, na jonok jabuna manang na dao.

•   Bahas jala latik ma songon dia carana asa boi hamu selamat tikki masa bencana. Manang didia pe hamu, ikkon diboto hamu do didia dalan lao kaluar na unjonok tu hamu. Paboa ma tu gellengmuna aha na ikkon diulahon ibana molo masa bencana tikki di sikkola ibana. Tottuhon ma sada inganan na gabe tempatmuna pajuppang, na dao dohot na jonok tu jabumuna. Misalna di alaman ni sikkola, di taman, manang di tano lapang. Adong do piga-piga organisasi na manjujui hita asa lao tu inganan naung tatottuhon i rap dohot keluargatta.

•   Bahen ma rencana lao mangurupi halak na asing, termasuk ma halak naung matua dohot na marsahit.

Songon on ma na didok si Joshua na dipaboa di awal ni artikel on, “Tikki terjadi kebakaran, godangan halak dang pittor hatop bertindak. Adong donganku na lao pamatehon komputer, adong na mangisi botol minumna. Adong muse na mandok ‘tapaima ma jo.’” Nang pe songon i, berteriak ma si Joshua mandok, “Ikkon kaluar do hita saonari!” Gabe sadar ma akka donganna i jala diihutton nasida ma si Joshua turun sian tangga. Tikki na turun i nasida, sai didok si Joshua do, “Molo adong na madabu, pittor togu hamu ma jala torus ma mardalan. Pasti selamat do hita!”

•   Kebakaran. Martugarang ma hamu lao tu pintu kaluar. Ala godang timus, biasana maol do hita mangida jala boi do gabe dang marhosa be halak alani timus i. Jadi pittor hatop ma hamu kaluar, unang pola pikkiri akka barangmuna. Molo dipaleleng-leleng hamu kaluar, boi do hamu mate.

•   Gempa bumi. Martabuni ma di toru ni meja, manang di toru ni podoman. Dung sae gempa pittor hatop ma hamu kaluar sian ruangan i, alana boi do muse masa gempa susulan. Biasana leleng do petugas penyelamat ro, jadi molo tolap do hamu urupi ma halak na asing.

•   Tsunami. Molo toppu surut aek ni laut, hatop ma hamu lao tu inganan na mardolok-dolok. Dang leleng dukkon i, biasana pittor ro do tsunami.

•   Angin topan manang halisuksung. Molo bertingkat jabumuna, hatop ma hamu lao tu lantai sada. Alai molo dang bertingkat martabuni ma hamu tu inganan na aman di jabumuna.

•   Banjir. Molo nungnga adong tanda-tanda naeng banjir, bahen ma barang-barangmuna tu tempat na timbo. Cabut ma akka peralatan elektronik. Jala pamate ma listrik, gas, dohot aekmuna. Molo boi unang ma adong sampah di saluran aekmuna. Molo nungnga godang aek masuk tu jabumuna, kaluar ma hamu sian i. Manat ma hamu molo naeng mamolus banjir i. Alana olo do ra godang kabel listrik, hau manang lubang na so tarida. Molo boi unang ma markareta manang marmobil hamu mamolus banjir i.

•   Diboto hamu do? Nang pe holan satonga meter timbo ni aek, boi do arus ni aek i manarat mobil. Godang do halak na mate ala marmobil nasida tikki mamolus banjir.

•   Molo disuru pamaretta hamu mangungsi, pittor lao ma! Paboa ma tu dongan manang tu keluargamuna didia hamu asa unang loja nasida mangalului hamu.

•   Diboto hamu do? Tikki masa bencana, tumagon do mamakke SMS lao berkomunikasi sian apala martelepon.

•   Molo disuru pamaretta hita tetap di jabu manang mengungsi tu sada inganan, unang ma kaluar sian i. Alana olo do ra nungnga tercemar udara di luar alani zat kimia, virus, manang zat nuklir alani kecelakaan manang serangan. Tutup ma ventilasi udara, pintu, jandela na adong di ruangan i. Tinggil ma hamu mambege barita sian TV manang sian radio. Unang ma kaluar hamu sappe aman situasina.

Asa unang marsahit manang hona bahaya hamu, ihutton ma piga-piga saran on:

•   Molo boi di jabu ni donganmuna ma hamu mengungsi, sian apala di tempat pengungsian.

•   Paias ma tempat tinggalmuna.

•   Pakke ma perlengkapanmuna tikki paiasson lingkunganmuna dung sae bencana. Molo boi pakke ma sarung tangan, sipatu bot, helm proyek, dohot masker. Hati-hati ma hamu tikki paiasson i, so tung tartiop hamu kabel listrik dohot gara ni api.

•   Karejohon ma ulaonmuna siganup ari songon na somal. Ikkon boi do idaon ni gellengmuna na tenang hamu jala dang putus asa. Togihon ma gellengmuna marmeami, mangida parsiajaran di sikkola, dohot manomba Jahowa. Unang ma pagodangku dibege hamu barita taringot bencana i. Tikki marsak manang tikki muruk hamu, unang ma gabe tu anggota keluargamuna hamu muruk. Unang ma maila molo adong halak na mangurupi hamu, jala urupi ma halak na asing.

•   Unang ma holan artamuna na sega manang na mago na dipikkiri hamu. Holan kebutuhan dasar do na boi dilehon pamaretta manang organisasi na asing. Misalna, sipanganon, siinumon, pakkean, dohot tempat mengungsi. Unang ma taharappon digatti nasida artatta na sega manang na mago.​—1 Timoteus 6:​7, 8.

•   Boi do gabe terganggu mentalmuna alani bencana i. Olo do gabe trauma halak na mengalami bencana jala boi do gabe terganggu mentalna. Misalna gabe mura-mura ma ibana marsak, depresi, muba-uba perasaanna, maol marpikkir, maol karejo, manang dang boi modom. Molo songon i na dihilala hamu, marcarita ma hamu tu dongan na makkaholongi hamu.

Selamat do si Joshua tikki tartutung kantorna. Alai godang do donganna na mate. Alani i gabe terganggu ma mentalna. Jadi diurupi akka sintua dohot ahli kejiwaan ma ibana. Didok si Joshua ma, “Didok nasida dang sala molo sai lungun dope rohakku. Lam leleng boi do i malum ninna nasida. Dung onom bulan au marubat, dang sai marnipi na ngeri-ngeri be au. Alai molo gejala na asing leleng do asa malum.”

Tikki masa bencana godang do halak na so marsala na gabe korban. Alani i adong do na mandok alani Debata do i sude masa. Jala adong do na songon si Joshua na gabe dang tabo perasaanna ala godang donganna na mate. Didok ibana, “Sai hudok do tu dirikku boi hian do dang mate akka donganki. Alai gabe tarapul do rohakku ala huingot na lao bahenon ni Debata do na adil dohot na sittong di saluhut tano on. Saonari mandok mauliate do au ala boi dope au mangolu jala hubahen do nasa tolappu lao manjaga dirikku.”​—Pangungkapon 21:​4, 5. a