Pintor tu konten

Pintor tu daftar isi

Cita-cita dos do i songon rancangan bangunan, molo berupaya hamu boi do saut cita-citamuna i

TU AKKA NA POSO

12: Cita-Cita

12: Cita-Cita

LAPATANNA

Cita-cita, dang holan nipi sabbing manang holan angan-angan. Asa boi saut na tacita-citahon porlu do tabahen rencana, olo menyesuaihon diri jala ringgas karejo.

Adong do cita-cita jangka pendek (biasana boi do i saut di bagasan piga-piga ari manang piga-piga minggu), jangka menengah (piga-piga bulan), dohot jangka panjang (sataon manang lobi). Asa boi saut cita-cita jangka panjang na tabahen, parjolo ikkon tapasaut do cita-cita jangka pendek na tabahen dohot cita-cita jangka menengah.

BOASA PENTING ON

Molo saut na tacita-citahon i, boi ma hita lam percaya diri, lam akrab dohot akka donganta, jala lam marlas ni roha.

Percaya diri: Molo nga saut cita-cita na gelleng na tabahen, gabe lam percaya diri ma hita lao mencoba cita-cita na balga. Jala lam percaya diri ma hita tikki mangadopi masalah sehari-hari. Contohna, boi ma tatolak molo adong donganta manogihon mangulahon na sala.

Marale-ale: Las do roha ni halak mardongan tu halak na adong cita-citana jala na ringgas karejo lao pasautton cita-citana i. Sada cara na mambahen hita lam solhot tu ale-aletta, molo rap berupaya hita dohot ale-aletta i asa mandapot cita-cita na sarupa.

Las ni roha: Molo nungnga tabahen cita-cita jala marhasil hita, pasti puas do tahilala jala las rohatta.

“Las do rohakku ala adong cita-cita na hubahen. Gabe sibuk ma au jala adong target na hubahen asa boi saut cita-citakki. Tikki saut cita-citakki gabe boi ma hudokkon, ‘Boi do hape saut hubahen cita-citakki! Las hian rohakkku.’”​—Si Christopher.

NA DIDOK BIBEL: “Molo sai alogo do na dipaida-ida halak, dang saut be ibana manuan boni. Molo sai ombun do na dipaida-ida halak, dang saut be ibana mamanen.”​—Parjamita 11:4.

NA BOI DIULAHON HAMU

Coba ma akka cara on jala berupaya ma hamu pasautton cita-citamuna i.

Tottuhon ma cita-citamuna. Surat ma daftar ni cita-citamuna jala tottuhon ma cita-cita na dia do na parjolo lao dipasaut hamu.

Rencanahon. Ulahon ma cara on lao pasutton cita-citamuna:

  • Tottuhon ma tikki na masuk akkal lao pasautton i.

  • Rencanahon ma dia do na ikkon diulahon hamu.

  • Pikkirhon masalah aha na boi ro jala songon dia cara mangatasi i.

Ulahon ma. Unang ma didok rohamuna ikkon jolo rade sude baru pe diulahon hamu. Pikkirhon ma, ‘Aha do na parjolo ikkon huulahon asa boi saut cita-citakki?’ Dung i pittor ulahon ma. Ida ma akka aha naung marhasil diulahon hamu lao pasautton cita-citamuna i.

NA DIDOK BIBEL: “Sai na saut do sakkap ni halak na ringgas.”​—Poda 21:5.