Psalmen 94:1-23
94 Ale Debata Jahowa, na mambalos pambahenan ni parjahat,+Marsinondang ma Ho ale Debata na mambalos pambahenan ni parjahat.
2 Ro ma Ho ale Hakim ni tano on.+
Baloshon ma pambahenan ni akka siginjang roha.+
3 Sadia leleng nai do sai marlas ni roha akka parjahat i?+Sadia leleng nai do ale Jahowa?
4 Teal do nasida jala lomo-lomona do makkatai.Parhata manggang do sude parjahat i.
5 Dihancurhon nasida do naposomi, ale Jahowa.+Jala disiksa nasida do bangsomi.
6 Dibunu nasida do ina na mabalu dohot akka panoppang,Dipamate nasida do akka na so marama.
7 Didok nasida do, “Dang diboto Jahowa* i.+Dang diparrohahon Debata ni si Jakkob i.”+
8 Hamu na so marbisuk, andigan do botoonmuna on?Hamu halak na oto, andigan do attusanmuna on?+
9 Tung so marbinege ma Ibana na mambahen pinggol?
Tung so marnida ma Ibana na mambahen mata?+
10 Haru bangso na asing pe dipissang Ibana do, tung so boi ma Ibana mamissang hamu?+
Ibana do na mangalehon parbinotoan tu akka halak.+
11 Diboto Jahowa do pikkiran ni jolma,Dang marguna sude na dipikkiri nasida.+
12 Marlas ni roha ma halak na dipissang Ho, ale Jahowa,*+Halak naung diajari Ho taringot patikmu.+
13 Dilehon Ho do hadameon tu ibana saleleng masa jea,Sahat tu na digali lubang tu akka parjahat.+
14 Ai dang tadikkonon ni Jahowa naposona,+Jala dang pasombuonna bangsona.+
15 Ai bahenonna ma tigor muse hukum i,Jala sude ma halak na tigor marroha mangihutton i.
16 Tung ise ma donganku lao mangalo akka parjahat?
Tung ise ma na mambela au lao mangalo akka halak na jahat i?
17 Autsura dang diurupi Jahowa au,Nungnga tibu au mate.+
18 Tikki hudok, “Nungnga tarsulandit pattu.”
Toktong do au dipatogu holong ni rohami,* ale Jahowa.+
19 Tikki marsak situtu rohakku,*Diapuli Ho do au jala dibahen Ho do las rohakku.+
20 Dang mungkin olo Ho mardongan tu pamaretta* na jahat,Ai dibahen nasida do akka aturan* lao mambahen halak susa.+
21 Kejam do nasida tu halak na tigor marroha,+Jala dihukum nasida do halak na so marsala sappe mate.+
22 Alai Jahowa do na gabe inganan parlinggoman na aman di au,Debatakku do na gabe dolok batu parlinggoman di au.+
23 Baloshononna ma pambahenan ni akka parjahat.+
Jala bahenonna ma nasida suda* marhite hajahaton ni nasida.
Ai pamateon ni Jahowa Debatanta i do nasida.+
Surat na di toru
^ Manang “Jah”. “Jah” singkatan goar ni Jahowa. Ida Lampiran A5.
^ Manang “Jah”. “Jah” singkatan goar ni Jahowa. Ida Lampiran A5.
^ Manang “Tikki dang tenang rohakku”.
^ Manang “hakim”.
^ Manang “patik”.
^ As. “sip”.
