Psalmen 91:1-16
91 Manang ise na tinggal di inganan rahasia ni Natumimbul i,+Marborngin ma ibana di toru ni parlinggoman ni Pargogo na So Hatudosan i.+
2 Dohonokku ma tu Jahowa, “Ho do parlinggoman dohot benteng na togu di au,+Debatakku na huhaporseai.”+
3 Ai linggomanna do ho sian jorat ni panakkup pidong,Dohot sian sahit na masa di godang inganan na mambahen mate.
4 Ditutupi Ibana do ho* mamakke ujung ni habongna,Di toru ni habongna i do ho marlinggom.+
Setia do Debata+ tu ho jala i ma na manjaga ho dos songon perisai na balga+ manang tembok partahanan.
5 Dang mabiar ho tu ancaman di tikki borngin,+Manang tu panah na ditembakkon di tikki arian,+
6 Manang tu sahit na menular na mangintip ho di na golap,Manang tu hamatean na masa di tonga ari.
7 Tung saribu halak pe madabu di labbungmu,Jala sappulu ribu halak di sabola kananmu,Dang na lao masa manang aha tu ho.+
8 Dipanotnoti ho ma i,Jala idaonmu ma halak na jahat dihukum.*
9 Ai didok ho do, “Jahowa do parlinggomakku,”
Nungnga dibahen ho Natumimbul i gabe ingananmu marlinggom.*+
10 Dang na lao masa haporsuhon tu ho,+Jala dang adong sahit na lao jonok tu kemahmu.
11 Ai disuru Debata do suru-suruanna+ manjaga ho,Lao manogu-nogu ho di sude dalanmu.+
12 Toguon ni nasida do ho,+Asa unang tartuktuk patmu tu batu.+
13 Mardalan ma ho di atas ni singa na marauang dohot ulok kobra,Jala dege-degeonmu ma singa na ganas dohot ulok na balga.+
14 Didok Debata do, “Ala dihaholongi ibana Au,* paluaokku ma ibana.+
Jagaokku do ibana, ala ditanda* ibana do goarhu.+
15 Jouonna ma Au, jala alusakku ma ibana.+
Donganakku ma ibana di tikki susa.+
Paluaokku ma ibana jala sangap ma ibana bahenokku.
16 Lehonokku ma ganjang ni umur tu ibana,+Jala bahenokku ma ibana mangida haluaon na sian Au.”+
