Psalmen 81:1-16
Tu pamimpin ni akka parende: Mangihutton Gitit.* Sian si Asap.+
81 Marlas ni roha ma marsurak di jolo ni Debata na mangalehon gogo tu hita.+
Marlas ni roha ma marsurak jala puji ma Debata ni si Jakkob.
2 Marmusik ma hamu jala pakke hamu ma rebana,*Bahen hamu ma musik na tabo begeon mamakke harpa dohot akka alat musik na martali.
3 Martarompet ma hamu di bulan baru,+Martarompet ma hamu di bulan purnama tikki adong perayaan.+
4 Ai i do paretta tu halak Israel,Aturan na binahen ni Debata ni si Jakkob.+
5 Dibahen Ibana do i gabe sipaingot tu si Josep+Tikki lao Ibana mangalo Mesir.+
Adong do soara* na so hutanda mandok,
6 “Huangkat do boban sian pundakna,+Hubuat do karanjang* sian tanganna.
7 Tikki susa ho, dijou ho do Au jala hupalua do ho.+Hualusi do ho sian ombun na holom tikki ro* ronggur.+
Huuji do ho di Mual Meriba.*+ (Sela)
8 Ale bangsokku, tangihon ma Au asa hupodai Ho.
Ale Israel, sai olo ma nian ho manangihon Au.+
9 Unang ma adong debata na asing di tonga-tongam,Jala unang ma marsomba ho tu debata na asing.+
10 Au do Jahowa Debatam,Na mamboan ho kaluar sian Mesir.+
Bukka ma pamanganmu asa hulehon ho mangan sappe butong.+
11 Alai dang olo bangsokku manangihon soarakku,Dang olo Israel mangoloi Au.+
12 Gabe hupasombu ma jogal ate-ate ni nasida,Jala diulahon nasida ma na sittong di roha ni nasida.+
13 Autsugari ma olo bangsokku manangihon Au,+Autsugari ma olo Israel mardalan di dalanku.+
14 Hatop ma Au ro manaluhon musu ni nasida,Jala taluhonokku ma musu ni nasida mamakke tanganku.+
15 Ro ma tu jolo ni Jahowa manang ise na marsogo ni roha tu Ibana,Hitir-hitir ma nasida alani biarna jala dihukum ma nasida saleleng ni lelengna.
16 Alai lehonokku ma gandum na dumenggan*+ lao allangonmu,*Jala allangonmu ma madu na sian dolok batu sappe butong.”+
Surat na di toru
^ Manang “bahasa”.
^ Karanjang na nidok na dison, ra karanjang na dipakke hatoban lao mamboan akka bahan bangunan.
^ Lapatanna “Marbada”.
^ As. “sian inganan partabunian ni”.
^ As. “tabo-tabo ni gandum”.
^ Na nidokna dison, i ma bangso ni Debata.
