Psalmen 75:1-10
-
Tigor do Debata tikki mangadili
-
Minum sian makkuk ni Jahowa (8)
-
Tu pamimpin ni akka parende. Na dibahen mangihutton ende “Unang ma Bahen Au Hancur”. Sian si Asap.+
75 Mandok mauliate ma hami tu Ho, ale Debata, mandok mauliate ma hami tu Ho.Jonok do Ho tu hami,*+Jala dipaboa akka halak do taringot ulaonmu na palongang roha.
2 Didok Ho do, “Bahenokku do na tigor tikki mangadili,Di tikki naung hutottuhon.
3 Tikki hutur-hutur tano on dohot sude pangisina,Hubahen do togu akka tiang ni tano on.” (Sela)
4 Hudok do tu siginjang roha, “Unang ma ginjang roham,”
Jala hudok do tu akka parjahat, “Unang ma anggar jago ho ala gogo ho.*
5 Unang ma anggar jago ho ala gogo ho,*Jala unang ma teal ho makkatai.
6 Ai dang sian timur, sian barat,Manang sian selatan ro hasangapon.
7 Debata sandiri do na gabe Hakim.+
Boi do dipatutoru Ibana halak, jala boi do dipatimbo Ibana na asing.+
8 Ai nungnga ditiop Jahowa makkuk panginuman,+Makkuk na marisi anggur na margumo jala na marcampur.
Lao usehononna do i,Asa sude halak na jahat di tano on, manginum i sappe habis.”*+
9 Alai molo au, paboaokku ma taringot ulaon ni Debata saleleng ni lelengna.Marende ma au mamuji* Debata ni si Jakkob.
10 Ai didok Ibana do, “Bahenokku ma dang margogo be* halak na jahat.Alai lam margogo ma bahenokku* halak na tigor marroha.”
