Psalmen 71:1-24
71 Ale Jahowa, tu Ho do au marlinggom.
Unang ma loas au dipaila.+
2 Urupi ma au jala palua ma au, ai na tigor do pambahenanmu.
Patinggil ma pinggolmu tu* au jala urupi ma au.+
3 Sai Ho ma na gabe dolok batu di au,Asa boi au toktong ro tusi.
Suru ma asa dipalua au,Ai Ho do dolok batu dohot benteng di au.+
4 Ale Debatakku, palua ma au sian tangan ni akka parjahat+Sian halak na manusai jala na so tigor tikki mangadili.
5 Ale Jahowa Tuan Natumimbul, tu Ho do au marhaposan.Pos do rohakku tu Ho mulai sian tikki poso dope au.+
6 Mulai sian na tubu au, Ho do na mangurupi au.Ho do na mangurupi au kaluar sian bortian* ni omakku.+
Sai pujiokku do Ho toktong.
7 Nang pe longang roha ni godang halak mangida au,Alai Ho do inganan parlinggomakku na togu.
8 Ganup ari do pamanganku mamuji Ho,+Hupaboa do taringot hasangaponmu.
9 Molo dung matua au, unang ma bolokkon au.+Molo dung suda gogokki, unang ma tinggalhon au.+
10 Dipahata-hata akka musukku do au,Jala sahata do nasida lao pamatehon au.+
11 Didok nasida do, “Nungnga ditinggalhon Debata ibana.
Beta talele jala tatakkup ma ibana, ai dang adong be na paluahon ibana.”+
12 Ale Debata, unang ma mandao Ho sian au.
Ale Debatakku, hatop ma Ho ro mangurupi au.+
13 Sai anggiat ma halak na mangalo au,Gabe dipaila jala suda.+
Sai anggiat ma halak na naeng mambahen au marjea,Gabe dipaila jala dibahen marlea.+
14 Alai molo au, sai toktong do hupaima Ho,Pujiokku do Ho jala lam jotjot do Ho hupuji.
15 Hatahonon ni pamanganku ma taringot ulaonmu na sittong i.+Ganup ari do paboaokku taringot pambahenanmu lao paluahon au,Nang pe dang habilangan au i jala dang taretong au.+
16 Ale Jahowa Tuan Natumimbul, paboaokku ma taringot ulaonmu na balga i,Paboaokku ma taringot ulaonmu na sittong i,Holan taringot ulaonmu na sittong i do paboaokku.
17 Ale Debata, nungnga diajari Ho au mulai sian tikki poso dope au,+
Jala sahat tu saonari torus do hubaritahon akka ulaonmu na palongang roha.+
18 Ale Debata, unang ma tinggalhon au nang pe nungnga matua jala ubanon au,+Asa boi hupaboa taringot huasom tu pinoppar na naeng ro,
Jala hupaboa taringot ulaonmu na palongang roha tu sude halak na so tubu dope.+
19 Ale Debata, nungnga diulahon Ho akka ulaon na balga.+Diulahon Ho do godang ulaon na sittong, pola do sahat i tu langit.Ale Debata, ise ma na songon Ho?+
20 Nang pe dibahen Ho au makkilala godang sitaonon dohot jea,+Pangolu ma au muse,Tarik ma au asa kaluar sian aek na bagas.*+
21 Sai tambai ma hasangapokku,Jaga ma au jala apuli ma au.
22 Dung i pujiokku ma Ho mamakke akka alat musik na martali,Ai setia do Ho ale Debatakku.+
Marende ma au mamuji* Ho huhut marharpa,Ale Debata Nabadia ni Israel.
23 Tikki marende au mamuji Ho, hupagogo do soarakku ala marlas ni roha.+Ai nungnga dijaga* Ho ngolukku.+
24 Hatahonon ni pamanganku* do taringot pambahenanmu na sittong i ganup ari,+Ai na lao dipaila jala marlea+ do akka halak na naeng pamatehon au.
