Psalmen 7:1-17
-
Jahowa do Hakim na adil
-
‘Adili ma au ale Jahowa’ (8)
-
Ende andung-andung ni si Daud. Diendehon ibana do i tu Jahowa alani hata ni si Kus halak Benjamin i.
7 Ale Jahowa Debatakku, tu Ho do au marlinggom.+
Palua ma au sian sude halak na mambahen na jahat tu au.+
2 Asa unang diroro nasida au songon panoro ni singa,+Jala asa unang disarat nasida au ala dang adong na paluahon.
3 Ale Jahowa Debatakku, molo adong huulahon na sala,Molo adong huulahon na so tigor,
4 Molo jahat au tu halak na burju tu au,+Molo huroro musukku hape so adong alana,*
5 Lok ma dilele jala ditakkup musukku au.Lok ma didege-dege au sappe mateJala lok ma mago hasangapokki. (Sela)
6 Hehe ma Ho ale Jahowa, patudu ma na muruk Ho.Jongjong ma Ho mangalo akka musukku na muruk tu au,+Ro ma Ho mangurupi au, jala bahen ma asa saut akka na tigor.+
7 Lok ma ro akka bangso makkalilingi Ho,Dung i ro ma Ho sian tahtami lao mangalo nasida.
8 Jahowa do na mangadili akka bangso.+
Tikki diadili Ho au ale Jahowa, ingot ma setia do au tu HoJala huulahon do lomo ni roham.+
9 Paso ma hajahaton ni akka parjahat.
Alai urupi ma halak na tigor marroha,+Ai Debata na tigor+ do Ho,
Dipareso Ho do roha ni halak+ jala diboto Ho do pakkilalaan* ni nasida.+
10 Debata do na gabe perisai di au,+ Sipalua ni halak na tigor marroha.+
11 Hakim na tigor do Debata+Dipaboa Debata do hukuman tu akka parjahat ganup ari.
12 Molo dang muba sasahalak,+ patajomon ni Debata ma podangna+Paradeonna ma panahna lao manembakkon i.+
13 Nungnga diparade Ibana akka sinjatana na boi pamatehon.Nungnga diparade Ibana akka anak panahna na marapi.+
14 Ida ma, adong do halak na marsakkap mambahen na jahat,Sai naeng dibahen do halak susa jala dihatahon ibana do gabus.+
15 Digali ibana do lubang na bagas,Alai ibana sandiri do na madabu tu lubang i.+
16 Mulak tu ibana do hajahaton na binahenna i,+Jala mulak tu ibana do pambahenanna na kejam i.
17 Pujiokku ma Jahowa, ai tigor do Ibana.+Marende ma au* mamuji goar ni Jahowa+ Natumimbul i.+
