Psalmen 59:1-17
Tu pamimpin ni akka parende. Na dibahen mangihutton ende “Unang ma Bahen Au Hancur”. Sian si Daud. Miktam.* Dibahen do on tikki disuru si Saul halak tu jabu ni si Daud lao pamatehon ibana.+
59 Ale Debatakku, palua ma au sian akka musukku,+Jaga ma au sian akka halak na ro mangalo au.+
2 Palua ma au sian akka parjahat,Jala jaga ma au sian akka halak na kejam.
3 Ale Jahowa, monggop-onggop do nasida lao mangalo au.+Ro do akka halak na gogo lao mangaroro au.Hape so na mangalo manang mardosa au.+
4 Nang pe dang adong salakku, hatop do nasida ro naeng mangalo au.
Alani i ro ma Ho tikki jou-jou au tu Ho, urupi ma au jala ida ma na binahen ni nasida.
5 Ai Ho do Debata ni halak Israel, ale Debata Jahowa Pamimpin ni Akka Tentara.*+
Hehe ma Ho lao mamareso sude bangso,
Unang ma asi roham tu akka penghianat.+ (Sela)
6 Sai ro do nasida muse ganup borngin,+Marauang do nasida dos songon biang+ jala mardalan tusan tuson makkalilingi kota.+
7 Bege ma hata ni nasida na jahat i,Dos songon podang do baba ni nasida,+Ai didok nasida do, “Dang adong na mambege hatatta on.”+
8 Alai parekkelanmu do nasida ale Jahowa,+Rehe-reheanmu do sude bangso.+
9 Ale Debatakku, Ho do na mangalehon gogo tu au, sai hupaima-ima do Ho.+Ai Ho do inganan parlinggomakku na aman.*+
10 Urupan ni Debata do au, ai dipatudu Ibana do holong ni rohana* tu au.+Bahenon ni Debata do asa huida talu akka musukku.+
11 Unang ma pamate nasida, asa unang dilupahon bangsokki pambahenanmi.
Marhite huasom, bahen ma nasida mappar-appar,Ale Jahowa perisainami, bahen ma nasida hancur.+
12 Sai anggiat ma tarjorat nasida alani ginjang ni roha ni nasida.+Ai nungnga mardosa nasida alani hata ni nasida,Mamburai do nasida jala mangoto-otoi.
13 Pamate ma nasida tikki muruk Ho,+Pamate ma nasida asa unang adong be nasida.Dung i botoon ni nasida ma Debata do na mamaretta di tonga-tonga ni si Jakkob dohot di saluhut tano on.+ (Sela)
14 Lok ma ro nasida muse ganup borngin,Lok ma marauang nasida dos songon biang jala mardalan tusan tuson makkalilingi kota.+
15 Lok ma mappar-appar nasida mangalului sipanganon,+Unang ma loas nasida butong jala unang ma loas dapot ni nasida inganan marborngin.
16 Alai molo au, endehonokku ma taringot gogom,+Marlas ni roha ma au tikki manogot lao paboahon holong ni roha* na pinatudum.
Ai Ho do inganan parlinggomakku na aman.+Jala tu Ho do au marlojong tikki susa.+
17 Ale Debatakku, Ho do na mangalehon gogo tu au, endehonokku ma puji-pujian tu Ho.+Ai Debata do inganan parlinggomakku na aman, dipatudu Debata do holong ni rohana* tu au.+
