Psalmen 55:1-23
Tu pamimpin ni akka parende. Na diendehon mardongan alat musik na martali. Maskil.* Sian si Daud.
55 Ale Debata, tangihon ma tangiakku,+Unang ma jua pangidoakku na mangido asi ni roham.*+
2 Tangihon ma au jala alusi ma au.+
Marsak situtu do au jala mandele.+
3 Ai hubege do akka hata ni musukkuJala susa do au dibahen halak na jahat.
Torus do au disusai nasida,Jala muruk do nasida tu au ala jut hian rohana tu au.+
4 Marsak situtu do rohakku,+Jala mabiar do au mate.+
5 Sappe hitir-hitir do au alani biarhu,Jala torus do au mabiar.
6 Sai hudok do, “Autsugari ma marhabong au dos songon darapati,
Nungnga habang au dao mangalului inganan na aman.
7 Lao ma au tu inganan na dao,+
Jala tinggal ma au di gurun.+ (Sela)
8 Pittor hatop ma au lao tu inganan na amanDao sian alogo na gogo, dao sian haba-haba.”
9 Ale Jahowa, bahen ma gaor nasida jala sundati ma sakkap ni nasida,+Ai huida do nungnga gaor di kota jala gok hajahaton.
10 Arian nang borngin mardalan do nasida markaliling di ginjang ni tembok ni kota iMasa do hajahaton dohot hasusaan di kota i.+
11 Hona jea do akka halak na tinggal disi,Sai adong do halak na mambahen na jahat tu donganna dohot na mangoto-otoi di lapangan ni kota.+
12 Molo musukku na mangarehe-rehei au,+Boi do au sabar manaon i.
Molo musukku na ro mangalo au,Boi do au martabuni sian ibana.
13 Alai ho do na mambahen songon i tu au+Ale-alekku na apala takkas hutanda, jala na sangap songon au.+
14 Kompak do hita najolo,Jala sai rap do hita lao tu jabu ni Debata rap dohot na asing.
15 Sai anggiat ma masa jea tu nasida,+
Sai anggiat ma masuk nasida tu Kuburan.*Ai akka na jahat do na sai diulahon nasida dohot na adong di roha ni nasida.
16 Alai molo au, jou-jou do au tu DebataDung i paluaon ni Jahowa ma au.+
17 Susa do au jala morong-orong* tikki manogot, tikki arian, nang tikki borngin pe+Jala dibege Ibana do soarakku.+
18 Lehononna do hadameon tu au, jala paluaonna* do au sian akka halak na mangalo au.Ai godang do halak na ro mangalo au.+
19 Nungnga hundul Debata di tahtana sian najolo,+Tangihonon ni Debata do au, jala aloonna do nasida.+ (Sela)
Alai dang olo nasida muba,Dang dihabiari nasida Debata.+
20 Dialo ibana* do akka donganna+Jala dang diulahon ibana janjina.+
21 Lambok-lambok do hatana begeon,*+Hape holan na naeng marbada do ibana.
Ullandit do hatana sian miakJala tajom do i songon podang.+
22 Pasahat ma holso ni roham* tu Jahowa,+Sai urupanna do ho.+
Dang pasombuonna madabu* halak na tigor marroha.+
23 Alai pamasukonmu do halak na jahat tu bagasan tanoman, ale Debata.+
Hatop do mate pambunu dohot pangoto-otoi.+
Alai molo au, pos do rohakku tu Ho.
Surat na di toru
^ Manang “Unang ma martabuni Ho tikki martangiang au mangido asa diurupi”.
^ Manang “mangangguki”.
^ As. “tobusonna”.
^ Na nidokna dison, i ma donganna najolo na ditaringoti di ayat 13 dohot 14.
^ Manang “Ullandit do hatana sian mentega.”
^ Manang “bobanmu”.
^ Manang “meol-eol; moleng”.
