Psalmen 50:1-23
Ende ni si Asap.+
50 Nungnga makkatai Jahowa,+ Debata na untimbo sian debata na asing.Dijou Ibana do tano on,Sian timur sahat tu barat.*
2 Marsinondang do Debata sian Sion, kota na massai uli.+
3 Na lao ro nama Debatanta jala dang hohom Ibana.+
Adong do api na marsigorgor di jolona,+Jala mangullus do alogo na gogo di sakalilingna.+
4 Tikki diadili Ibana akka naposona,+
Dijou Ibana do pangisi ni langit dohot tano on lao gabe saksi,+ didok Ibana do,
5 “Papungu hamu ma akka naposokku na setia di jolokku,Na mambahen parjanjian dohot Au marhite pelean.”+
6 Jala dipaboa langit do na tigor* Ibana,Ai Debata sandiri do na gabe Hakim.+ (Sela)
7 “Ale naposokku, tangihon hamu ma, adong naeng hupaboa tu hamu,Ale Israel, patuduhonokku ma na marsala hamu,+
Au do Debata, Debatamuna.+
8 Dang alani peleanmuna umbahen na hupissang hamu,Jala dang alani sude pelean situtungon na sai dilehon hamu tu Au.+
9 Dang porlu buatokku lombu jantan sian ladangmuna,Manang akka hambingmuna* sian kandangna.+
10 Ai punakku do sude binatang na di tombak,+Dohot akka binatang na di akka dolok.
11 Hutanda do sude pidong na di akka dolok,+Jala punakku do sude binatang na di tombak.
12 Molo male Au, dang porlu paboaokku tu hamu,Ai Au do nappunasa tano on dohot nasa isina.+
13 Dang porlu allangokku jagal ni lombu jantan,Jala dang porlu inumokku mudar ni hambing.+
14 Mandok mauliate ma hamu tu Debata jala i ma na gabe peleanmuna,+Garar hamu ma janjimuna* tu Natumimbul i.+
15 Jou-jou ma hamu tu Au tikki susa hamu,+
Asa hupalua hamu, dung i pasangaponmuna ma Au.”+
16 Alai molo tu halak na jahat, dokkonon ni Debata ma,
“Aha hakmuna manaringoti aturanku?+Aha hakmuna manaringoti parjanjian na hubahen?+
17 Jut do roham tikki hupissang,*Jala dang olo ho manangihon hatakku.+
18 Ai lomo do roham mangida* panakko,+Jala sai mardongan do ho tu akka pangalakkup.
19 Dipaboa-boa ho do hata na so denggan,Jala holan na mangoto-otoi do dipakke ho dilam.+
20 Hundul do ho lao pahata-hata haha anggim,+Jala dipaboa-boa ho do hasalaan ni* nasida.
21 Tikki dibahen ho songon i, sai sip do Au,Gabe dirippu ho ma na sarupa Au songon ho.
Alai saonari pissangokku ma ho,Jala alookku ma ho.+
22 Hamu akka na makkalupahon Debata,+ parrohahon hamu ma on,Asa unang huribak-ribak hamu jala dang adong na paluahon.
23 Manang ise na mangalehon pelean hamauliateon, i do na pasangappon Au,+Jala manang ise na mangihutton dalan na sittong,Paluaokku ma ibana.”+
Surat na di toru
^ Manang “Sian parbissar ni mataniari sahat tu parbonomna”.
^ As. “hambing jantanmuna”.
^ As. “sumpamuna”.
^ Manang “tikki huajar-ajari ho”.
^ Manang boi do “Diihutton ho do”.
^ Manang “Jala diparoa-roa ho do”.
