Psalmen 28:1-9
-
Tangiang ni panurat Psalmen
-
“Jahowa do perisai di au” (7)
-
Sian si Daud.
28 Ale Jahowa, Ho do dolok batu+ di au, tu Ho do au sai jou-jou.Tangihon ma au.
Molo sai sip Ho tu au,Tudos ma au songon halak na masuk tu bagasan tanoman.+
2 Tangihon ma au tikki mangelek-elek au mangido asa diurupi,
Tikki huangkat tanganku doppak Inganan na Massai Badia na di jabumi.*+
3 Unang ma hukum au rap dohot parjahat, na mangulahon na jahat tu na asing,+Na lambok-lambok hatana tu donganna, alai jahat do di bagasan rohana.+
4 Balos ma pambahenan ni nasida,+Songon hajahaton na dibahen nasida.
Baloshon ma na diulahon nasida,Songon pambahenan ni nasida.+
5 Ai dang diparrohahon nasida na binahen ni Jahowa+Dohot akka na niulana.+
Gabe hancur ma nasida bahenonna jala dang urupanna nasida.
6 Sai dipuji ma Jahowa,Ai ditangihon Ibana do elek-elekku na mangido asa diurupi.
7 Jahowa do perisai di au+ jala Ibana do na mangalehon gogo tu au,+Tu Ibana do au marhaposan.+
Nungnga diurupi Ibana au jala las do rohakku.Alani i marende ma au mamuji Ibana.
8 Jahowa do na mangalehon gogo tu akka naposona,Dos do Ibana songon benteng parlinggoman,
Ibana do na paluahon halak na pinillitna.+
9 Palua ma naposom, jala pasu-pasu ma bangsom.+
Ho ma na gabe parmahan ni nasida jala bahen ma nasida di abinganmu saleleng ni lelengna.+
Surat na di toru
^ Manang “di ingananmu na badia i”.
