Psalmen 25:1-22
Sian si Daud.
א [Alef]
25 Ale Jahowa, tu Ho do au martangiang.*
ב [Bet]
2 Pos do rohakku tu Ho, ale Debatakku.+Unang ma loas au dipaila.+
Unang ma loas au diparekkeli akka musukku.+
ג [Gimel]
3 Dang na lao dipaila akka halak na marpos ni roha tu Ho,+Alai akka halak na berhianat, na lao dipaila do.+
ד [Dalet]
4 Ale Jahowa, paboa ma tu au akka dalanmu.+Ajari ma au mardalan di akka dalanmu.+
ה [He]
5 Loas ma au mardalan di dalanmu na sittong i jala ajari ma au,+Ai Ho do Debata na paluahon au.
ו [Waw]
Toktong do au marpos ni roha tu Ho.
ז [Zayin]
6 Ale Jahowa, ingot ma asi ni roham dohot holong ni roham,*+Na sai toktong dipatuduhon Ho.*+
ח [Het]
7 Unang ma ingot dosa dohot hasalaan na hubahen tikki poso dope au.
Ingot ma au alani holong ni roham* na pinatudum,+Dohot alani haburjuonmu, ale Jahowa.+
ט [Tet]
8 Na burju jala na tigor do Jahowa.+
Alani i ma diajari Ibana akka pardosa taringot dalan hangoluan.+
י [Yod]
9 Ditogu-togu Ibana do halak na lambok roha lao mangulahon na sittong,+Jala diajarhon Ibana do taringot akka dalanna tu halak na lambok roha.+
כ [Kaf]
10 Dipatuduhon Jahowa do holong ni rohana* tu akka halak na mangihutton parjanjianna+Jala dang ditadikkon Ibana akka halak na mangulahon hatana.+
ל [Lamed]
11 Pasangap ma goarmi ale Jahowa,+Sesa ma dosakku na balga i.
מ [Mem]
12 Manang ise na makkabiari Jahowa,+
Ajarhonon ni Debata ma tu ibana taringot dalan na ikkon sipillitonna.+
נ [Nun]
13 Dapotna ma akka na denggan,+Jala akka pinopparna ma nappuna tano on.+
ס [Samekh]
14 Holan halak na makkabiari Jahowa do na boi marale-ale tu Ibana,+Jala paboaonna ma parjanjianna tu nasida.+
ע [Ayin]
15 Sai hutatap do Jahowa,+Ai Ibana do na paluahon pattu sian jorat.+
פ [Pe]
16 Tatap ma au jala asi ma roham tu au,Ai lungun-lungunan do au jala dang adong na mangurupi.
צ [Tsade]
17 Ai nungnga lam godang arsak ni rohakku,+Palua ma au sian hasusaakkon.
ר [Resh]
18 Ida ma sitaonokkon dohot hasusaakkon,+Jala sesa ma sude dosakku.+
19 Ida ma, godang hian do musukku,Jala sogo hian do roha ni nasida tu au.
ש [Syin]
20 Jaga ma au jala palua ma au,+
Unang ma pasombu au dipaila, ai tu Ho do au marlinggom.
ת [Taw]
21 Sai ramoti ma au ala setia jala tigor do au marroha,+Ai tu Ho do au marpos ni roha.+
22 Ale Debata, sai palua* ma Israel sian sude hasusaanna.
