Psalmen 19:1-14
Tu pamimpin ni akka parende. Ende ni si Daud.
19 Dipaboa langit do hasangapon ni Debata.+Dipaboa do taringot akka na binahen ni tanganna.+
2 Godang do na dipaboa ganup ari,Jala dipatudu do parbinotoan ganup borngin.
3 Dang pola makkatai manang makkuling i,Dang adong tarbege soarana.
4 Alai sahat do barita* ni nasida tu liat portibi on,Jala sahat do hata ni nasida tu ujung ni portibi on.+
Dipajongjong Debata do kemah inganan ni mataniari di langit.
5 Dos do i songon pangoli na kaluar sian kamarna.Jala dos do i songon bawa na gogo, na marlas ni roha marlojong di dalanna.
6 Kaluar do i sian ujung ni langit na sada,Jala torus do i mardalan tu ujung ni langit na sada nai.+Dang adong na boi martabuni sian i alani mohopna.
7 Sun denggan do patik ni Jahowa,+ boi do i paulak gogo.+
Boi do dihaporseai sipaingot+ ni Jahowa,
Boi do i mambahen halak na so marpengalaman gabe marbisuk.+
8 Sittong do aturan na sian Jahowa, boi mambahen las roha.+Ias do paretta ni Jahowa, boi mambahen halak gabe marbisuk.*+
9 Parohon laba do makkabiari Jahowa,+ martahan do i saleleng ni lelengna.
Sittong do keputusan ni Jahowa tikki mangadili jala tigor do i sude.+
10 Ummarga do i sude sian mas,Ummarga sian mas murni,+Jala ummanis do i sian madu,+ ummanis sian madu asli.
11 Boi do i mangajari naposom asa unang mangulahon na sala.+Molo diulahon nasida i, dapotna ma upa na balga.+
12 Tung ise ma na mamboto hasalaan na binahenna sandiri?+
Paias ma au sian dosa na so husengaja.
13 Urupi ma au asa unang hubahen lomo-lomokku.+Unang ma loas i gabe mangarajai au.+
Asa unang huulahon na sala,+Jala asa unang huulahon dosa na balga.*
14 Ale Jahowa, Dolok Batukku,+ dohot na manobus au+Sai anggiat ma akka hatakku dohot na hurimangi mambahen las roham.+
Surat na di toru
^ Manang boi do “tali pangukkur”.
^ As. “mambahen mata marsinondang”.
^ Manang “godang hasalaan”.
