Psalmen 18:1-50
Tu pamimpin ni akka parende. Ende sian si Daud naposo ni Jahowa. Dibahen ibana do ende on tu Jahowa tikki dipalua Jahowa ibana sian sude musuna dohot sian si Saul. Songon on do didok ibana:+
18 Holong do rohakku tu ho ale Jahowa, ai Ho do na mambahen au margogo.+
2 Jahowa do dolok batu di au, Ibana do benteng di au, jala Ibana do Sipalua di au.+
Debatakku do dolok batukku,+ tusi do au marlinggom,Ibana do na gabe perisai di au, Sipalua na gogo,* inganan parlinggomakku na aman.+
3 Jou-jou do au tu Jahowa, na tama pujion,Jala dipalua do au sian akka musukku.+
4 Nungnga dililit tali ni hamatean be au.+Mabiar do au alani godang ni halak na so hasea na dos songon sunge na banjir.+
5 Dililit akka tali ni Kuburan* do au.Jala dibahen do akka jorat ni hamatean di jolokku.+
6 Jou-jou do au tu Jahowa di hasusaakki,Sai jou-jou do au tu Debatakku mangido asa diurupi.
Ditangihon Ibana do soarakku sian bagas jorona,+Jala dibege Ibana do soarakku na jou-jou lao mangido asa diurupi.+
7 Hutur-hutur ma tano on jala goyang.+Hutur-hutur ma fondasi ni akka dolokJala goyang ma i tusan tuson ala nungnga muruk Ibana.+
8 Kaluar do timus sian lubang ni igungna,Jala marsigorgor do api kaluar sian babana.+Kaluar do gara ni api na marsigorgor sian jolona.
9 Tikki turun Ibana, gabe lekkuk do langit dibahen Ibana,+Jala adong do ombun na holom di toru ni patna.+
10 Tikki habang, hundul do Ibana di ginjang ni kerubim.*+
Hundul do Ibana di ginjang ni habong ni suru-suruan jala hatop do Ibana ro.+
11 Ditabunihon Ibana do dirina di na holom.+Di toru ni ombun na hapal jala na holom,Jala i do na gabe kemah di sakalilingna,+
12 Sian sillam na di jolonaKaluar do udan es dohot gara ni api na marsigorgor na mangalewati akka ombun.
13 Dung i tarbege ma soara ni Jahowa na songon ronggur sian langit.+Dibahen Natumimbul i ma tarbege soarana,+Jala turun ma udan es dohot gara ni api na marsigorgor.
14 Ditembakkon Ibana ma akka anak panah, gabe marserak ma akka musuna.+Dibahen Ibana ma sillamna tu nasida asa gaor nasida.+
15 Tarida ma dasar ni akka sunge.+Tarida ma fondasi ni tano on alani songgak-songgakmu, ale Jahowa,Ai diombus Ho do hosam sian lubang ni igungmu.+
16 Disurdukkon Ibana ma tanganna sian inganan na timbo.Ditiop Ibana ma au, jala ditarik ma au kaluar sian aek na bagas.+
17 Dipalua Ibana do au sian akka musukku na gogo,+Sian akka halak na marsogo ni roha tu au, na umgogo sian au.+
18 Tikki susa au, ro do nasida mangalo au,+Alai diurupi Jahowa do au.
19 Diboan Ibana do au tu inganan na aman.*Dipalua do au ala lomo rohana tu au.+
20 Dilehon Jahowa do upa tu au, ala huulahon na sittong.+Dilehon Ibana do upa tu au, ala dang marsala* tanganku.+
21 Toktong do huihutton akka dalan ni Jahowa,Jala dang huulahon na jahat, ai dang hutadikkon Debatakku.
22 Sai huingot do sude parettana.Huulahon do akka patikna.
23 Sai patuduokku do di jolona na so marsala au,+Jala sai jagaokku do dirikku asa unang mangulahon na sala.+
24 Sai anggiat ma dilehon Jahowa upa tu au, ala huulahon do na sittong,+Ai dang adong na sala huulahon di jolona.+
25 Setia do Ho tu halak na setia.+Adil do Ho tu halak na so marsala.+
26 Burju do Ho tu halak na tulus,+Alai marbisuk do Ho tu halak na akkal.+
27 Dipalua Ho do halak na susa,+Alai dang arga di Ho siginjang roha.+
28 Ai Ho do ale Jahowa panondang di au.Dibahen Debatakku do gabe tiur akka na holom na makkaliangi au.+
29 Diurupi Ho do au mangalo akka pangarampok.+Boi do hutibbung tembok ala dilehon Debata tu au gogo.+
30 Denggan* do sude ulaon ni Debata na sittong i.+Ias* do hata ni Jahowa.+
Songon perisai do Ibana tu sude halak na marlinggom tu Ibana.+
31 Holan sasada Jahowa do Debata,+
Holan sasada Debatanta do dolok batu.+
32 Debata na sittong do na mangalehon gogo di au,+Bahenonna do tigor dalanku.+
33 Dibahen Ibana do pattu hatop marlojong songon rusa,Dibahen Ibana do au jongjong di inganan na timbo.+
34 Dilatik Ibana do tanganku marporang.Gabe boi ma hupakke panah na sian tombaga.
35 Dilehon Ho do tu au perisaimu lao paluahon au,+Dipakke Ho do tanganmu na gogo i* lao mangurupi au,Jala serep ni rohami do na mambahen au sangap.+
36 Dipabidang Ho do dalan sidalanakku.Jala dang na lao tarsulandit pattu.+
37 Leleokku do akka musukku jala taluhonokku ma nasida,Dang mulak au saleleng so hupamate nasida sude.
38 Ropukokku ma nasida, asa unang boi be nasida hehe.+Marpeakan do nasida di toru ni pattu.
39 Lehononmu do gogo tu au lao marporang.Bahenonmu do peak akka musukku di jolokku.+
40 Bahenonmu do lari akka musukku sian au.*Pamateonku do* akka na marsogo ni roha tu au.+
41 Jou-jou ma nasida mangido asa diurupi, alai dang adong na paluahon nasida.Nang pe jou-jou nasida tu Jahowa, alai dang dialusi Ibana nasida.
42 Dudaokku ma nasida asa gabe songon orbuk na dihabangkon alogo.Sappattonokku ma nasida songon gambo na disappatton tu dalan.
43 Paluaonmu do au sian akka halak na sai mangalului hasalaakku.+
Bahenonmu do au gabe pamimpin ni akka bangso.+
Akka halak na so hutanda pe gabe mangoloi do tu au.+
44 Holan dibege nasida pe taringot au, nungnga dioloi nasida au.Ro do halak na asing hitir-hitir marsinggang tu jolokku.+
45 Mago ma habaranion ni akka halak na asing.Hitir-hitir ma nasida kaluar sian inganan partabunian ni nasida.
46 Debata na mangolu do Jahowa! Pinuji ma Dolok Batukku!+
Sai dipasangap ma Debata na paluahon au.+
47 Dibalos Debata na sittong do akka musukku.+Dibahen Ibana do akka bangso mangoloi au.
48 Dipalua Ho do au sian akka musukku na muruk.Diangkat Ho do au timbo asa dao sian akka halak na mangalo au.+
Dipalua Ho do au sian halak na jahat.
49 Alani i, hupasangap ma Ho di tonga-tonga ni akka bangso, ale Jahowa,+Jala huendehon ma ende pujian* lao mamuji goarmu.+
50 Dibahen Ibana do akka ulaon* na massai balga lao paluahon raja na pinillitna.+Dipatudu Ibana do holongna* tu halak na pinillitna,*+Tu si Daud dohot tu pinopparna* saleleng ni lelengna.+
Surat na di toru
^ Manang “na bidang”.
^ As. “ala ias”.
^ Hata ni Jahowa ias dos songon mas na ias dung ditutung di api.
^ As. “Sun denggan”.
^ As. “tangan kananmu”.
^ Manang “Lehononmu do tanggurung ni akka musukku tu au”.
^ As. “Bahenokku do sip”.
^ Manang “Jala marmusik ma au”.
^ Manang “hamonangan”.
^ As. “tu bonina”.
