Psalmen 147:1-20
147 Puji ma Jahowa!*
Denggan situtu do molo marende hita mamuji* Debatanta,Massai las do roha mamuji Ibana jala patut do Ibana pujion!+
2 Jahowa do na pajongjokkon Jerusalem,+Dipapungu Ibana do halak Israel na marserak.+
3 Dipamalum Ibana do roha ni na mandele,Diubati Ibana do lukka ni nasida.
4 Dibilangi Ibana do sadia godang akka bintang,Jala dijou Ibana do goarna sada-sada.+
5 Tung na sangap do Tuanta i jala balga do huasona,+Dang tarukkur bagas ni habisukonna.+
6 Diangkat Jahowa do halak na serep rohana,*+Alai disappatton Ibana do tu tano halak na jahat.
7 Marende ma hamu mandok mauliate tu Jahowa,Marende ma hamu huhut mamakke harpa lao mamuji Debatanta,
8 Ibana do na mambahen ombun manutupi langit,Ibana do na mangalehon udan tu tano on,+Ibana do na mambahen tubu duhut-duhut+ di akka dolok.
9 Ibana do na mangalehon mangan akka binatang,+Dohot anak ni burung gagak na jou-jou mangido mangan.+
10 Dang pola lomo rohana tu hagogoon ni hoda,+Jala dang longang rohana tu gogo ni sahalak bawa.*+
11 Alai las do roha ni Jahowa tu akka na makkabiari Ibana,+Dohot tu akka na maima-ima holongna na manoktong* i.+
12 Pasangap ma Jahowa, ale Jerusalem.
Puji ma Debatam, ale Sion!
13 Dibahen Ibana do togu akka palang ni gerbang ni kotam,Dipasu-pasu Ibana do akka anakmu.
14 Diparo Ibana do dame tu luatmu,+Dilehon Ibana do tu ho gok gandum na dumenggan.+
15 Dikirim Ibana do parettana i tu tano on,Jala hatop do marlojong hatana i.
16 Ditutup Ibana do tano on dohot salju, songon salimut na bottar,+Disabur Ibana do nambur na beku songon abu.+
17 Diparo Ibana do udan es songon ropuk-ropuk ni roti.+
Dang tartaon ngalina.+
18 Tikki dikirim Ibana parettana, malala ma es i.
Dibahen Ibana ma mangullus alogona i,+ gabe mardalan ma aek i.
19 Dipasahat Ibana ma hatana i tu si Jakkob,Jala dipaboa ma akka paretta dohot aturanna tu halak Israel.+
20 Dang dibahen Ibana songon i tu bangso na asing,+Dang diboto nasida manang aha taringot tu parettana.
Puji ma Jahowa!*+
Surat na di toru
^ Manang “molo marmusik hita tu”.
^ Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
^ Manang “na lambok roha”.
^ As. “tu pat ni bawa”.
^ Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
