Psalmen 145:1-21
Ende puji-pujian sian si Daud.
א [Alef]
145 Pasangapokku ma Ho ale Debatakku jala Rajakku,+Pujiokku ma goarmu saleleng ni lelengna.+
ב [Bet]
2 Pujiokku ma Ho ganup ari,+Pujiokku ma goarmu saleleng ni lelengna.+
ג [Gimel]
3 Massai sangap do Jahowa jala tama do Ibana pujion,+Balga situtu do hasangaponna i.+
ד [Dalet]
4 Pujion ni nasida ma akka na binahenmu saleleng ni lelengna,Paboaon ni nasida ma taringot akka pambahenanmu na palongang roha.+
ה [He]
5 Paboaon ni nasida ma taringot hasangaponmu,+Jala hurimangi ma akka ulaonmu na palongang roha.
ו [Waw]
6 Paboaon ni nasida ma taringot huasom na palongang roha,Jala paboaokku ma taringot hasangaponmu.
ז [Zayin]
7 Marlas ni roha ma nasida paboahon akka haburjuonmu,+Marsurak ma nasida marlas ni roha alani pambahenanmu na sittong i.+
ח [Khet]
8 Na burju jala parasi roha do Jahowa,+Lambat tarrimas jala gok do holong ni roha* di Ibana.+
ט [Tet]
9 Burju do Jahowa tu sude,+Jala tarida do asi ni rohana di sude akka ulaonna.
י [Yod]
10 Ale Jahowa, sude do toppaanmu pasangappon Ho,+Jala sude do naposom na setia mamuji Ho.+
כ [Kaf]
11 Paboaon ni nasida ma taringot harajaonmu na sangap i,+Jala paboaonna ma taringot huasom.+
ל [Lamed]
12 Asa diboto akka halak taringot ulaonmu na palongang roha i,+Jala asa diboto akka halak taringot harajaonmu na sangap i.+
מ [Mem]
13 Martahan do harajaonmu saleleng ni lelengna,Jala mamaretta do Ho saleleng ni lelengna.+
ס [Samekh]
14 Ditogu Jahowa do akka halak na naeng madabu,+Dipatogu Ibana do akka halak na gale.+
ע [Ayin]
15 Ro do sude halak tu Ho mangido asa diurupi,Jala dilehon Ho do sipanganon tu nasida di tikkina.+
פ [Pe]
16 Dibukka Ho do tanganmuJala dilehon Ho do sude na porlu tu akka jolma dohot binatang.+
צ [Tsade]
17 Sittong* do dalan ni Jahowa+Jala setia do Ibana di sude akka ulaonna.+
ק [Qof]
18 Jonok do Jahowa tu sude halak na jou-jou tu Ibana,+Na jou-jou tu Ibana sian nasa roha.*+
ר [Res]
19 Dilehon Ibana do sude na dihaporluhon akka halak na makkabiari Ibana.+Ditangihon Ibana do angguk-angguk ni nasida na mangido asa diurupi,
Jala dipalua do nasida.+
ש [Syin]
20 Dijaga Jahowa do sude halak na makkaholongi Ibana,+Alai dipamate Ibana do halak na jahat.+
ת [Taw]
21 Pujiokku ma Jahowa,+Jala sude ma mamuji goarna na badia i saleleng ni lelengna.+
Surat na di toru
^ Manang “di bagasan hasittongan”.
