Psalmen 119:1-176
-
Mandok mauliate alani hata ni Debata
א [Alef]
119 Marlas ni roha ma halak na so marsala* di akka lakkana,Na mardalan mangihutton patik ni Jahowa.+
2 Marlas ni roha ma akka halak na mamparrohahon sipaingotna,+Na mangalului Ibana sian nasa roha ni nasida.+
3 Dang adong diulahon nasida na jahat,Di dalan ni Debata do nasida mardalan.+
4 Nungnga diparettahon HoAsa marsitutu nasida mangulahon parettam.+
5 Lomo do rohakku asa toktong togu+Asa boi huulahon akka aturanmu!
6 Asa unang gabe maila au+Tikki hupikkiri sude parettam.
7 Tikki huparsiajari taringot patikmu* na tigor i,Pujiokku do Ho sian nasa rohakku.
8 Ulahonokku do akka aturanmu.
Sai unang ma tinggalhon au.
ב [Bet]
9 Songon dia do bahenon ni na poso manjaga ngoluna asa toktong ias?
Ikkon toktong do ulahononna hatami.+
10 Sian nasa rohakku do au mangalului Ho.
Unang ma loas au manimbil sian akka parettam.+
11 Husippan do hatam di bagasan rohakku.+Asa unang mardosa au tu Ho.+
12 Sai dipuji ma Ho, ale Jahowa.Ajarhon ma tu au akka aturanmu.
13 Pakkeonku do babakku paboahonSude paretta na pinaboam.
14 Las do rohakku alani sipaingotmu+Ummarga do i sian sude barang na arga.+
15 Sai hupikkir-pikkiri* do akka parettam+Jala sai huparrohahon do akka dalanmu.+
16 Lomo do rohakku tu patikmu.
Jala dang lupahonokku hatam.+
ג [Gimel]
17 Burju ma Ho tu naposomonAsa boi au mangolu jala huulahon hatam.+
18 Bukka ma matakku asa boi takkas huidaAkka na palongang roha na adong di patikmu.
19 Hira panoppang do au huhilala di luat on.+
Unang ma padao parettam sian au.
20 Masihol situtu do auTu akka parettam ganup tikki.
21 Disonggak Ho do siginjang rohaNa hona bura ala manimbil sian parettam.+
22 Unang ma loas au direhei jala dileai,Ai huparrohahon do sipaingotmu.
23 Nang pe rap hundul akka pamimpin pahata-hata au,Sai dipikkir-pikkiri* naposomon do akka aturanmu.
24 Lomo do rohakku tu akka sipaingotmu.+I do na mamodai au.+
ד [Dalet]
25 Peak do au di orbuk.+
Jaga ma au asa toktong mangolu songon na nidokmi.+
26 Hupaboa do akka dalanku tu Ho, jala dialusi Ho do au.Ajarhon ma tu au akka aturanmu.+
27 Ajari ma au asa boi huattusi lapatan* ni parettam,Asa boi hupikkir-pikkiri* akka ulaonmu na palongang roha.+
28 Dang boi au modom ala lungun rohakku.
Patogu ma au songon na nidokmi.
29 Padao ma au sian dalan ni pangoto-otoi,+Ajarhon ma patikmu tu au na patuduhon na lomo do roham tu au.
30 Marsitutu do au asa toktong setia.+
Huboto do na sittong akka parettam.
31 Sai huihutton do akka sipaingotmu.+
Ale Jahowa, unang ma loas au dipaila.+
32 Huihutton* do parettam sian nasa rohakku.Ai diurupi Ho do au asa lam mangattusi i.*
ה [He]
33 Ale Jahowa, ajari ma au+ lao mangihutton akka aturanmu.Ihuttonokku do i sahat tu ujungna.+
34 Lehon ma tu au parbinotoan,Asa boi huulahon patikmiJala ulahonokku do i sian nasa rohakku.
35 Togu-togu ma au lao mangulahon* parettam.+Ai lomo do rohakku mangulahon i.
36 Bahen ma asa holong rohakku tu akka sipaingotmu,Dang holong tu dirikku sandiri.+
37 Padao ma matakku asa unang huida akka na so marguna.+Jaga ma au asa toktong mangolu di akka dalanmu.
38 Pasaut ma janjim* tu naposom,Asa dihabiari Ho.*
39 Unang ma loas au dipaila asa unang mabiar au,Ai denggan do akka parettam.+
40 Massai lomo do rohakku mangulahon parettam.
Jaga ma au asa toktong mangolu, ai na tigor* do Ho.
ו [Waw]
41 Sai anggiat ma huhilala holong ni roha* na pinatudum ale Jahowa,+Palua ma au songon janjimi.*+
42 Asa boi hualusi halak na mangarehei au,Ai porsea do au tu hatam.
43 Unang ma buat akka na sittong sian pamanganku,Ai parettam do na hupaima-ima.
44 Toktong do ulahonokku patikmu,Saleleng ni lelengna.+
45 Jala mardalan ma au di inganan na aman,*+Ai hulului do akka parettam.
46 Paboaokku ma akka sipaingotmu di jolo ni akka raja,Jala dang maila au.+
47 Lomo do rohakku tu akka parettam,Ido, huhaholongi do i.+
48 Huangkat do tangakku lao martangiang ala holong rohakku tu akka parettam,+Jala hupikkir-pikkiri* do akka aturanmu.+
ז [Zayin]
49 Ingot ma janjim tu naposom,I do na mambahen adong na hupaima-ima.*
50 I do na mangapuli au tikki susa,+Ai hatam do na mambahen au toktong mangolu.
51 Sai direhe-rehei siginjang roha do au,Alai dang manimbil au sian patikmu.+
52 Ale Jahowa, huingot do parettam naung adong sian najolo.+Jala i do na mangapuli rohakku.+
53 Muruk situtu do au alani parjahat,Na so mangoloi patikmu.+
54 Akka aturanmu do na gabe endekku,Manang didia pe au maringanan.
55 Di tikki borngin huingot do goarmu, ale Jahowa,+Asa boi huulahon patikmu.
56 Nungnga somal on huulahonAi huulahon do akka parettam.
ח [Het]
57 Jahowa do parbagiananku,+Nungnga marjanji au lao mangulahon hatana.+
58 Mangido ma au tu Ho sian nasa rohakku,+Asi ma roham tu au+ songon janjimi.*
59 Nungnga hupareso akka dalanku,Asa boi huihutton muse akka sipaingotmu.+
60 Toktong do huulahon parettam,+Hatop do i huulahon jala dang hupaleleng-leleng.
61 Dililit tali ni akka parjahat do au,Alai dang hulupahon patikmi.+
62 Di tonga borngin hehe do au lao mandok mauliate tu Ho+Ai tigor do parettam.
63 Mardongan do au tu sude halak na makkabiari Ho,Dohot akka halak na sai mangulahon parettam.+
64 Ale Jahowa, digohi holong ni roham* do tano on.+Ajarhon ma tu au akka aturanmu.
ט [Tet]
65 Burju do Ho tu auSongon naung nidokmi, ale Jahowa.
66 Ajari ma au asa manat marpikkir jala asa adong parbinotoakku,+Ai pos do rohakku tu parettam.
67 Najolo, jotjot do au manimbil* jala gabe susa ma au.Alai saonari huulahon do na nidokmi.+
68 Burju do Ho+ jala denggan do akka ulaonmu.
Ajarhon ma tu au akka aturanmu.+
69 Margabus do siginjang roha lao pahata-hata au,Alai huulahon do parettam sian nasa rohakku.
70 Dos songon batu na pir do roha ni nasida na so makkilala manang aha,*+Alai lomo do rohakku tu patikmi.+
71 Denggan do molo susa au,+Asa huparsiajari akka aturanmu.
72 Dumenggan do di au patik na pinaboami,+Sian godang perak dohot mas.+
י [Yod]
73 Tanganmu do na manoppa jala na mambahen au.
Lehon ma di au parbinotoan,Asa boi huparsiajari akka parettam.+
74 Idaon ni akka halak na makkabiari Ho ma au jala gabe marlas ni roha ma nasida,Ai hatam do na hupaima-ima.+
75 Ale Jahowa, huboto do tigor akka parettam+Ala setia do Ho umbahen na dipasombu Ho au susa.+
76 Sai anggiat ma holong ni roha* na pinatudum+ mangapuli au,Songon janjim* tu naposom.
77 Asi ma roham tu au, asa toktong au mangolu,+Ai lomo do rohakku tu patikmi.+
78 Sai anggiat ma gabe dipaila akka siginjang roha,Ai jahat do nasida tu au hape dang adong salakku.*
Alai sai hupikkir-pikkiri* do parettam.+
79 Sai anggiat ma akka halak na makkabiari Ho mulak muse tu au,Akka halak na mamboto akka sipaingotmu.
80 Sai anggiat ma huulahon akka aturanmu sian nasa rohakku,+Asa unang gabe maila au.+
כ [Kaf]
81 Hupaima-ima do haluaon na sian Ho,+Ai hatam do na hupaima-ima.
82 Loja do matakku paima-imahon hatam,+Hudok ma, “Andigan do apulanmu au?”+
83 Ai dos do au songon inganan ni aek* na koring alani timus,Alai dang hulupahon akka aturanmi.+
84 Sadia leleng nai do paimaokku,
Asa hukumonmu akka halak na manusai au?+
85 Digali siginjang roha do lubang lao manjorat au,Dang olo nasida mangulahon patikmu.
86 Boi do dihaporseai sude parettam.
Urupi ma au, ai dibahen akka halak do na jahat tu au hape dang adong salakku.+
87 Nungnga naeng dipamate nasida au,Alai dang hutadikkon akka parettam.
88 Patudu ma holong ni roham* tu au,Jaga ma au asa toktong mangolu, asa boi huulahon akka sipaingot na nidokmu.
ל [Lamed]
89 Ale Jahowa,Hot do hatam di surgo saleleng ni lelengna.+
90 Setia do Ho sian tikki tu tikki,+
Dibahen Ho do hot tano on, asa toktong i adong.+
91 Alani parettam toktong do nasida* adong sahat tu saonari,Ai naposom do nasida sude.
92 Molo dang lomo rohakku tu patikmu,Pasti nungnga hancur au alani hasusaakku.+
93 Dang hea hulupahon akka parettam,I do na mambahen au toktong mangolu.+
94 Appunam do au, palua ma au,+Ai marsitutu do au mangulahon parettam.+
95 Naeng dipamate parjahat do au,Alai huparrohahon do akka sipaingotmu.
96 Nungnga huida godang akka na denggan,Alai dumenggan do akka parettam sian i sude.
מ [Mem]
97 Massai holong do rohakku tu patikmi!+
Huparsiajari do i ganup ari.+
98 Gabe umbisuk do au sian akka musukku alani parettam,+I do na manogu-nogu au saleleng ni lelengna.
99 Gabe unggodang do parbinotoakku sian sude gurukku,+Ai huparsiajari do akka sipaingotmu.
100 Gabe umbisuk do au sian akka na matua,Ai huulahon do parettam.
101 Dang olo au mardalan di dalan ni akka parjahat,+Asa boi huulahon na nidokmi.
102 Dang olo au manimbil sian parettam,Ai nungnga diajar-ajari Ho au.
103 Manis situtu do hatam di dilakku,Ummanis do i sian madu!+
104 Gabe marbisuk do au alani parettam.+
Alani i do sogo rohakku tu sude dalan na so sittong.+
נ [Nun]
105 Dos songon lampu do hatam na manogu-nogu pattu,Jala na mambahen tiur dalanku.+
106 Nungnga marsumpa au lao mangulahon parettam na tigor i,Jala pasautokku do i.
107 Ale Jahowa, borat do sitaonokku.+
Jaga ma au asa toktong mangolu songon na nidokmi.+
108 Ale Jahowa, sai anggiat ma lomo roham tu puji-pujian na hupasahat.+Jala ajarhon ma tu au akka parettam.+
109 Sai adong do masa jea tu au,Nang pe songon i dang hulupahon patikmi.+
110 Nungnga dibahen parjahat jorat lao manakkup au,Alai dang hea au manimbil sian parettam.+
111 Dang tadikkonokku akka sipaingotmu,Ai i do na mambahen las rohakku.+
112 Marsitutu do au mangihutton akka aturanmuHuihutton do i ganup tikki sahat tu ujungna.
ס [Samekh]
113 Sogo do rohakku tu halak na mardua roha,+Alai holong do rohakku tu patikmi.+
114 Ho do na gabe parlinggoman jala na gabe perisai di au,+Ai hatam do na hupaima-ima.+
115 Hamu akka parjahat, mandao ma hamu sian au+Asa boi huulahon paretta ni Debatakku.
116 Urupi ma au songon janjimi,*+Asa boi au toktong mangolu.
Pos do rohakku tu Ho, unang ma loas au maila.+
117 Urupi ma au asa boi au malua.+Dung i parrohahonokku ma akka aturanmi.+
118 Dang lomo roham tu sude halak na manimbil sian aturanmu,+Ai pargabus do nasida jala pangoto-otoi.
119 Dibolokkon Ho do sude parjahat sian tano on dos songon sampah.*+
Alani i ma holong rohakku tu sipaingotmu.
120 Hitir-hitir do au ala mabiar tu Ho,Longang do rohakku mamboto keputusanmu.
ע [Ayin]
121 Nungnga huulahon na sittong dohot na adil,
Unang ma pasahat au tu akka halak na naeng mambahen na jahat tu au.
122 Marjanji ma ho lao mangurupi naposomon.Asa unang dibahen siginjang roha na jahat tu au.
123 Nungnga loja matakku paima-imahon haluaon na sian Ho+Dohot paima-imahon janjim* na sittong i.+
124 Patudu ma holong ni roham* tu na naposomon.+Jala ajarhon ma tu au akka aturanmu.+
125 Naposom do au, lehon ma bisuk tu au,+Asa huboto akka sipaingotmu.
126 Nungnga dapot be tikkina hukumon ni Jahowa nasida,+Ai dilanggar nasida do patikmu.
127 I do na mambahen holong rohakku tu parettam,Lobi sian mas, lobi sian mas murni.+
128 Alani i sittong do di rohakku sude tudu-tudum,+Sogo do rohakku tu sude dalan na so sittong.+
פ [Pe]
129 Palongang roha do akka sipaingotmu.
Alani i do umbahen huulahon i sude.
130 Molo diajarhon do hatam tu akka halak, dapot ni nasida ma parbinotoan,+Na mambahen halak na so marpengalaman gabe marbisuk.+
131 Mauas do au tu akka parettam,Jala masihol situtu do au tusi.+
132 Parrohahon ma au jala asi ma roham tu au,+Songon naung binahenmu tu akka halak na makkaholongi goarmu.+
133 Togu-togu ma au* marhite hatam.Asa unang adong parjahat na mangarajai au.+
134 Palua* ma au sian akka halak na mambahen au susa,Asa boi huulahon parettami.
135 Sai anggiat ma lomo roham* tu naposomon,+Jala ajarhon ma tu au akka aturanmu.
136 Maraburan do ilu sian matakku,Ala dang diulahon akka halak patikmu.+
צ [Tsade]
137 Ale Jahowa, tigor do akka ulaonmu.+Jala adil do keputusanmu.+
138 Tigor do akka sipaingotmu,Jala boi do i dihaporseai.
139 Dos songon api na marsigorgor do holong ni rohakku tu Ho,+Ai dilupahon akka musukku do hatam.
140 Ias* situtu do hatam,+Jala dihaholongi naposom do i.+
141 Dang sangap au jala lea do au.+Alai dang hulupahon akka parettam.
142 Manoktong do hatigoranmi saleleng ni lelengna,+Jala sittong do patikmu.+
143 Nang pe marsak au jala marsitaonon,Sai holong do rohakku tu parettam.
144 Tigor do sipaingotmu saleleng ni lelengna.
Lehon ma di au parbinotoan,+ asa toktong au mangolu.
ק [Qof]
145 Jou-jou do au sian nasa rohakku. Alusi ma au, ale Jahowa.
Ulahonokku do akka aturanmu.
146 Jou-jou do au tu Ho, palua ma au!
Ihuttonokku do akka sipaingotmu.
147 Andorang so tiur dope ari, dungo do au lao jou-jou mangido asa diurupi.+Ai hatam do na hupaima-ima.
148 Di tonga borngin* dungo do au,Asa boi hupikkir-pikkiri* hatami.+
149 Patudu ma holong ni roham,*+ tangihon ma soarakku.
Ale Jahowa, jaga ma au asa toktong mangolu, ai adil do Ho.
150 Nungnga ro akka halak na mangulahon akka ulaon na so umboto ila,Mandao do nasida sian patikmu.
151 Alai jonok do Ho, ale Jahowa.+Sittong do sude parettam.+
152 Nungnga huparsiajari sipaingotmu sian najolo,Hot do i dibahen Ho saleleng ni lelengna.+
ר [Res]
153 Ida ma sitaonokkon jala palua ma au,+Ai dang hulupahon patikmi.
154 Marpihak ma Ho tu au jala palua ma au,+Jaga ma au asa toktong mangolu songon janjimi.*
155 Dang malua anggo parjahat i,Ai dang marsitutu nasida lao mangihutton akka aturanmu.+
156 Balga do holong ni roham, ale Jahowa.+
Jaga ma au asa toktong mangolu, ai adil do Ho.
157 Godang do musukku dohot akka halak na manusai au,+Alai dang manimbil au sian sipaingotmu.
158 Magigi do au tu penghianat,Ai dang ditangihon nasida hatam.+
159 Massai holong do rohakku tu parettam.
Alani holong ni roha* na pinatudum, jaga ma au ale Jahowa asa toktong mangolu.+
160 Sittong do sude hatam,+ adil do sude keputusanmu,Jala martahan do i saleleng ni lelengna.
ש [Sin] manang [Syin]
161 Dibahen akka pamimpin do na jahat tu au+ hape dang adong salakku.Alai toktong do longang rohakku tu hatam.+
162 Las do rohakku tu hatam.+Dos songon halak na dapotan godang arta.
163 Sogo do rohakku tu gabus, magigi do au mangida i.+Alai holong do rohakku tu patikmu.+
164 Pitu hali di bagasan sadari au mamuji Ho,Ai sittong do keputusanmu.
165 Dame situtu do dihilala akka halak na makkaholongi patikmu.+Dang adong na boi mambahen nasida tartuktuk.
166 Ale Jahowa, hupaima-ima do asa paluaonmu au,Jala huulahon do parettam.
167 Huihutton do sipaingotmu,Jala huhaholongi do i.+
168 Huulahon do akka parettam dohot sipaingotmu,Ai diboto Ho do sude na huulahon.+
ת [Taw]
169 Ale Jahowa, sai anggiat ma ditangihon Ho angguk-anggukku na mangido asa diurupi.+
Songon na nidokmi, urupi ma au asa mangattusi.+
170 Sai anggiat ma sahat elek-elekku tu jolom,
Palua ma au songon janjimi.*
171 Sai toktong do Ho pujiokku,+Ai nungnga diajarhon Ho tu au akka aturanmu.
172 Endehonokku do taringot hatam,+Ai sittong do sude parettam.
173 Sai anggiat ma rade Ho mangurupi au+Ai nungnga hupillit lao mangulahon parettam.+
174 Ale Jahowa, sai hupaima-ima do haluaon na sian Ho.Jala lomo do rohakku tu patikmu.+
175 Sai anggiat ma toktong au mangolu asa boi hupuji Ho,+Sai anggiat ma keputusanmu na mangurupi au.
176 Nungnga lilu au dos songon biru-biru na mago.+ Lului ma naposomon,Ai dang hea hulupahon parettam.+
Surat na di toru
^ Manang “na setia”.
^ As. “keputusanmu”.
^ Manang “huparsiajari”.
^ Manang “diparsiajari”.
^ As. “dalan”.
^ Manang “huparsiajari”.
^ As. “Huadu”.
^ Manang boi do “asa lam pos rohakku”.
^ Manang “Bahen ma au mardalan di dalan ni”.
^ Manang “hatam”.
^ Manang boi do “Na dibahen tu akka halak na makkabiari Ho”.
^ Manang “songon na nidokmi”.
^ Manang “na bidang”.
^ Manang “huparsiajari”.
^ Manang “I do na sinurum asa hupaima”.
^ Manang “na nidokmi”.
^ Manang “mangulahon dosa na so husengaja”.
^ As. “Dang makkilala be roha ni nasida dos songon tabo-tabo”.
^ Manang “hatam”.
^ Manang boi do “Margabus do nasida lao mambahen na jahat tu au”.
^ Manang “huparsiajari”.
^ Inganan ni aek na sian kulit ni binatang.
^ Na nidokna dison, i ma sude toppaanna.
^ Manang “songon na nidokmi”.
^ Di bahasa Heber, on patuduhon kotoran na kaluar tikki ditutung perak manang mas.
^ Manang “hatam”.
^ Manang “Bahen ma hot lakkakku”.
^ As. “Tobus”.
^ Manang “Sai anggiat ma mekkel suping Ho”.
^ Hata ni Jahowa ias dos songon mas na ias dung ditutung di api.
^ Manang “Andorang so giliran jaga malam”.
^ Manang “huparsiajari”.
^ Manang “songon na nidokmi”.
^ Manang “songon na nidokmi”.
