Psalmen 118:1-29
118 Mandok mauliate ma tu Jahowa, ai na burju do Ibana.+
Toktong do dipatudu Ibana holong ni rohana* sahat tu saleleng ni lelengna.
2 Lok ma didok halak Israel,
“Toktong do dipatudu Ibana holong ni rohana* sahat tu saleleng ni lelengna.”
3 Lok ma didok pinoppar ni si Aron,
“Toktong do dipatudu Ibana holong ni rohana* sahat tu saleleng ni lelengna.”
4 Lok ma didok akka halak na makkabiari Jahowa,
“Toktong do dipatudu Ibana holong ni rohana* sahat tu saleleng ni lelengna.”
5 Tikki susa au jou-jou do au tu Jahowa.*Dialusi Jahowa* ma au jala diboan ma au tu inganan na aman.*+
6 Jahowa do di labbungku, dang mabiar au.+
Aha ma na boi bahenon ni jolma tu au?+
7 Jahowa do di labbungku jala Ibana do na mangurupi au.*+Idaokku ma talu akka halak na marsogo ni roha tu au.+
8 Dumenggan do marlinggom tu JahowaSian marhaposan tu jolma.+
9 Dumenggan do marlinggom tu JahowaSian marhaposan tu akka pamimpin.+
10 Sude do bangso makkalilingi au,Alai di bagasan goar ni Jahowa,Hutaluhon do nasida.+
11 Dikalilingi nasida do au, dang boi be au malua.Alai di bagasan goar ni Jahowa,Hutaluhon do nasida.
12 Songon loba* do parro ni nasida makkalilingi au,Alai hatop do nasida mate dos songon api na manutung ramba-ramba.
Di bagasan goar ni Jahowa,Hutaluhon do nasida.+
13 Gogo do au dionjar* asa madabu,Alai diurupi Jahowa do au.
14 Jahowa* do parlinggomakku jala Ibana do na mangalehon gogo di au.Ibana do na paluahon au.+
15 Tarbege do soara ni na marlas ni roha dohot soara ni na monang,Tarbege do i sian kemah ni halak na tigor marroha.
Dipakke Jahowa do tanganna na gogo i* lao patuduhon huasona.+
16 Timbo do tarangkat tangan ni Jahowa na gogo i tikki monang.Dipatudu tangan ni Jahowa na gogo i do huasona.+
17 Dang lao mate au, ikkon mangolu do au,Asa boi hupaboa akka ulaon ni Jahowa.*+
18 Posi do au dipissang Jahowa,*+Alai dang dipasombu Ibana au mate.+
19 Bukka hamu jo gerbang na diparade tu halak na tigor marroha,+Asa masuk au tusi jala hupuji Jahowa.*
20 On ma gerbang ni Jahowa.
Masuk ma halak na tigor marroha sian i.+
21 Pujiokku ma Ho, ai alusanmu do au+Jala Ho do na paluahon au.
22 Batu na dibolokkon akka tukkangNungnga gabe batu parsuhi-suhi* na rumikkot.+
23 Sian Jahowa do i.+Jala longang do rohatta mangida i.+
24 On ma ari na dibahen Jahowa,Marlas ni roha situtu ma hita di ari i.
25 Ale Jahowa, mangido ma hami tu Ho, palua ma hami!
Ale Jahowa, bahen ma hami monang!
26 Dipasu-pasu ma ibana na ro di bagasan goar ni Jahowa.+Martangiang do hami di jabu ni Jahowa asa dipasu-pasu hamu.
27 Jahowa do Debata,Ibana do na mangalehon sinondang tu hita.+
Bahen hamu ma ratting ni hau lao gabe hiasan di pesta i,+Bahen ma i sahat tu akka tanduk na di langgatan.+
28 Ho do Debatakku, pujiokku do Ho.Ale Debatakku, pasangappokku do Ho.+
29 Mandok mauliate ma tu Jahowa,+ ai na burju do Ibana.Toktong do dipatudu Ibana holong ni rohana* sahat tu saleleng ni lelengna.+
Surat na di toru
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “na bidang”.
^ Manang boi do “jala didongani Ibana do halak na mangurupi au”.
^ Manang “harinuan”.
^ Manang boi do “dionjar Ho”.
^ Manang “Jah!”. “Jah” singkatan goar ni Jahowa. Ida Lampiran A5.
^ As. “tangan kananna”.
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “Jah!”. “Jah” singkatan goar ni Jahowa. Ida Lampiran A5.
