Psalmen 112:1-10
112 Puji ma Jahowa!*+
א [Alef]
Marlas ni roha ma halak na makkabiari Jahowa,+ב [Bet]Na lomo rohana mangulahon akka parettana.+
ג [Gimel]
2 Na lao marhuaso do akka pinopparna,ד [Dalet]Jala na lao dipasu-pasu do halak na tigor marroha.+
ה [He]
3 Adong do arta dohot hamoraon di jabuna,ו [Waw]Jala hot do ulaonna na sittong saleleng ni lelengna.
ז [Zayin]
4 Dos do ibana songon sinondang di inganan na golap tu halak na tigor marroha.+
ח [Het]
Burju do ibana, parasi roha,+ jala adil.
ט [Tet]
5 Denggan do ngolu ni halak na olo* mangalehon pinjaman.+
י [Yod]
Jala sai adil do ibana di akka ulaonna.
כ [Kaf]
6 Dang na lao hona jea ibana.+
ל [Lamed]
Na lao diingot do halak na tigor marroha saleleng ni lelengna.+
מ [Mem]
7 Dang mabiar ibana mambege barita na so denggan.+
נ [Nun]
Setia do ibana jala pos do rohana tu Jahowa.+
ס [Samek]
8 Dang ganggu rohana jala dang mabiar ibana.+ע [Ayin]Dung i idaonna ma akka musuna ditaluhon.+
פ [Pe]
9 Las do rohana mangalehon na adong di ibana dohot mangurupi halak na pogos.+
צ [Tsade]
Na lao martahan do akka ulaonna na sittong* i saleleng ni lelengna.+
ק [Qoph]
Lam gogo ma ibana* jala dipasangap.
ר [Res]
10 Idaon ni halak na jahat ma i jala gabe muruk ma nasida.
ש [Syin]
Gabe muruk situtu ma nasida jala gabe hancur.
ת [Taw]
Dang na lao marhasil rencana ni halak na jahat.+
Surat na di toru
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “na burju”.
