Psalmen 102:1-28
Tangiang ni halak na susa, tikki mandele* ibana jala tikki dipasahat ibana arsak ni rohana tu Jahowa.+
102 Ale Jahowa, tangihon ma tangiakku,+Sai anggiat ma dibege Ho angguk-anggukku na mangido asa diurupi.+
2 Unang ma padao bohim tikki susa au.+
Patinggil ma pinggolmu tu* au,Hatop ma alusi au tikki jou-jou au tu Ho.+
3 Ai nungnga salpu be ari-arikku dos songon timus,Nungnga mosok be holi-holikku dos songon na tartutung.+
4 Nungnga dos be rohakku songon rumput na melos jala na koring,+Ai dang huingot be mangan.
5 Gabe morong-orong ma au alani borat ni sitaonokku,+Nungnga habis be sibukku, holan holi-holikku nama na tinggal.+
6 Dos ma au songon burung pelikan di gurun.Dos ma au songon burung hantu di akka tembok na maruppak.
7 Dang boi au tarpodom.*Dos ma au songon pidong na lungun-lungunan di atas ni atap.+
8 Direhe-rehei akka musukku do au ganup ari.+
Dipakke nasida do goarhu lao mamburai.
9 Orbuk nama na gabe siallangokku,+Jala marcampur ilu nama siinumokku.+
10 Ala muruk jala tarrimas Ho tu au,Diangkat Ho ma au jala disappatton Ho.
11 Dos songon bayangan na lao mago ma ari-arikku.+Jala gabe melos ma au dos songon rumput.+
12 Alai toktong do Ho adong saleleng ni lelengna, ale Jahowa.+Jala martahan do hasangaponmu* saleleng ni lelengna.+
13 Ro do Ho mangurupi jala asi do roham tu Sion,+Ai nungnga dapot be tikkina patuduonmu asi ni roham tu ibana,+Nungnga dapot be tikkina.+
14 Ai holong do roha ni naposom tu tembokna na maruppak i,+Haru tu orbukna pe asi do roha ni nasida.+
15 Sude ma bangso makkabiari goar ni Jahowa,Jala sude ma raja na di tano on mamboto na sangap do Ho.+
16 Ai pajongjongon ni Jahowa ma muse Sion,+Jala patuduonna ma na sangap Ibana.+
17 Ai tangihononna do tangiang ni na pogos,+Jala dang leas rohana tu tangiang ni nasida.+
18 Disuratton do on tu akka halak na so tubu dope,+Asa dohot akka halak na so tubu i* mamuji Jahowa.*
19 Manatap do Debata sian ingananna na timbo di ingananna na badia i,+Manatap do Jahowa sian surgo tu tano on,
20 Lao manangihon angguk-angguk ni halak na tarhurung,+Jala paluahon akka halak na naeng dipamate,+
21 Asa dibaritahon goar ni Jahowa di Sion+Jala dipuji ma Ibana di Jerusalem,
22 Tikki marpungu akka bangso dohot akka harajaonLao manomba Jahowa.+
23 Dibahen Ibana do suda gogokku, hape so matua dope au.Jala dibahen Ibana do jeppek ari-arikku.
24 Hudok do, “Ale Debatakku,Mangolu do Ho sahat tu saleleng ni lelengna,+Unang ma buat hosakku, ai dang matua dope au.
25 Nungnga sian najolo dibahen Ho fondasi ni tano on,Jala dibahen Ho do langit marhite tanganmu sandiri.+
26 Na lao salpu do langit dohot tano on, alai anggo Ho na lao toktong do adong.Na lao buruk do langit dohot tano on songon pakkean,
Na lao salpu do i sude jala gattionmu, songon na manggatti pakkean.
27 Alai, dang na lao muba anggo Ho jala dang na lao hea marujung ngolum.+
28 Na lao sonang do ngolu ni akka anak ni naposom,Jala toktong do dame ngolu ni pinoppar ni nasida di jolom.”+
