Poda 5:1-23

  • Manat tu boru-boru na so hasea (1-14)

  • Marlas ni roha ma dohot istrim (15-23)

5  Ale anakku, parrohahon ma na huajarhon taringot bisuk. Tangihon ma* na hudok taringot dia na sittong dohot dia na sala,+   Asa manat ho marpikkirJala akka na sittong na sai dihatahon ho.+   Manis do hata* ni boru-boru na so hasea* dos songon madu,+Jala ullandit do babana sian miak.+   Alai ujungna uppaet do ibana sian suan-suanan na paet+Jala tajom songon podang sidua baba.+   Mangalakka do patna turun tu hamatean. Jala tigor do ibana mardalan tu Kuburan.*   Dang dipikkiri ibana dalan tu hangoluan. Mardalan do ibana tusan tuson, alai dang diboto naeng tudia ibana lao.   Ale anakku, tangihon ma auJala unang ma lupahon akka na hudok i.   Padao ma dirim sian ibana,Unang ma pajonok tu pintu ni jabuna,+   Asa sangap ho diida na asing+Jala asa unang susa ngolum.+ 10  Asa unang habis passarianmu* dibahen halak na asing+Jala asa unang pinda na sinarim tu jabu ni halak na asing. 11  Molo dang, morong-orong ma ho di ujung ni ngolumDung gale ho jala marniang+ 12  Dokkononmu ma, “Dang olo au tahe diajari! Dang olo au dipissang! 13  Dang hutangihon akka na mangajari auJala dang huparrohahon akka gurukku. 14  Nungnga naeng hancur auJala maila do au di jolo ni bangso ni Debata.”+ 15  Inum ma aek na sian sumurmuDohot aek na sian mata mualmu.+ 16  Tung patut ma marusean aek na sian mata mualmu tu luar,Jala sabur aek na sian sungem di tano lapang?+ 17  Lok ma holan di ho i,Unang ma lehon i tu halak na asing.+ 18  Sai dipasu-pasu ma mata mualmu,Jala sai marlas ni roha ma ho rap dohot istrim na nialapmu tikki poso,+ 19  Dos do ibana songon rusa na bagak, songon hambing tombak na uli.+ Sai toktong ma susuna i pasonang roham. Jala sai toktong ma holong roham tu ibana alani holongna i.+ 20  Alani i anakku, boasa ma targoda ho tu boru-boru sibabi jalang*Jala boasa ma dihaol ho boru-boru na so hasea?*+ 21  Ai diida Jahowa do lakka ni jolma,Jala dipareso Ibana do sude dalanna.+ 22  Tarjorat do parjahat alani hasalaanna,Jala tartali do ibana alani dosana.+ 23  Na lao mate ma ibana ala dang olo diajar-ajariJala na lao lilu ma ibana alani otona.

Surat na di toru

As. “Patinggil ma pinggolmu tu”.
As. “bibir”.
As. “halak na asing”. Ida Poda 2:16.
Manang “Syeol”. Ida di Kamus.
Manang “gogom”.
As. “halak na asing”. Ida Poda 2:16.
As. “halak na asing”. Ida Poda 2:16.