Poda 30:1-33

  • AKKA TONA SIAN SI AGUR (1-33)

    • Unang lehon hapogoson manang hamoraon (8)

    • Akka na so hea puas (15, 16)

    • Na mambahen longang roha (18, 19)

    • Boru-boru na mangalakkup (20)

    • Akka binatang na marbisuk (24)

30  On ma akka tona na rikkot sian si Agur anak ni si Jake. Dipaboa ibana do akka tona on tu si Itiel dohot tu si Ukal.   Au do na ummoto sian manang ise pe,+Jala dang malo au songon na asing.   Dang hea dope huparsiajari taringot bisuk,Jala dang adong parbinotoakku taringot Debata Nabadia i.   Alusi ma jo on: Ise ma na hea nakkok tu surgo jala turun sian i?+ Ise ma na hea papunguhon alogo mamakke dua tanganna? Ise ma na hea mambukkus aek di bajuna?+ Ise do na manottuhon akka ujung ni tano on?+ Ise ma goarna jala ise ma goar ni anakna?   Ias* do sude hata na didok Debata.+ Ibana do perisai ni akka halak na marlinggom tu Ibana.+   Unang ma tambai hata ni Debata,+Asa unang dipissang Ibana ho,Jala asa unang didok ho pargabus.   Ale Debata, adong dua na hupangido sian Ho, Lehon ma i tu au andorang so mate au.   Urupi ma au asa unang hudok na so sittong jala asa unang margabus au.+ Unang ma lehon tu au hapogoson manang hamoraon. Lehon ma di au sipanganon na porlu di au.+   Ai molo dapottu sude lomo ni rohakku, dang setia be au tu Ho jala dohonokku ma, “Ise haroa Jahowa?”+ Alai unang ma pasombu au marpogos, asa unang manakko au jala gabe marlea goar ni Debatakku. 10  Unang ma paroa-roa parkarejo tu tuanna,Asa unang diburai ibana ho jala gabe marsala ho.+ 11  Adong do akka halak* na mamburai bapaknaJala na so pasangappon omakna.+ 12  Adong do akka halak* na mandok dirina badia,+Hape dang ias dope nasida sian akka na kotor. 13  Adong do akka halak na massai ginjang rohana,Jala na leas rohana tu na asing.+ 14  Adong do akka halak* na ngingina dos songon podang,Jala osang-osangna dos songon piso,Diboddut nasida do akka halak na dangol na adong di tano onJala diboddut do akka halak na pogos na adong di tonga-tonga ni jolma.+ 15  Adong dua boru ni linta na sai mandok, “Dia jo! Dia jo!” Adong tolu na so hea puas,Opat na so hea mandok, “Nga sae be i!” 16  On ma i: Kuburan*+ dohot borua na mandul,Tano na koring,Dohot api na so hea mandok, “Nga sae be i!” 17  Manang ise na mangarehei bapakna jala na mangalo tu omakna,+Pulsikkonon ni burung gagak na sian rura* ma matana,Jala allangon ni akka anak ni lali ma matana i.+ 18  Adong tolu na mambahen longang rohakku,Jala opat ma na so huattusi: 19  Lali na habang di langit,Ulok na mangissir di dolok batu,Kapal na marlayar di tonga laut,Jala doli-doli na rap dohot anak boru. 20  Songon on do na binahen ni istri na so setia tu suamina: Mangan ma ibana jala dilap ma babana,Dung i didok ma, “Dang adong hubahen na sala.”+ 21  Adong tolu na mambahen hutur-hutur tano onJala opat ma na so tartaon ni jolma: 22  Molo gabe raja sahalak hatoban,+Molo pagodangku mangan halak na oto, 23  Molo mangoli sahalak bawa tu borua na so dihaholongi,*Jala molo diusir* hatoban borua istri ni tuanna.+ 24  On ma opat binatang na gelleng di tano on,Alai nungnga marbisuk mulai sian na ditoppa:+ 25  Nang pe dang gogo porngis,Alai diparade nasida do sipanganonna tikki musim panas.+ 26  Nang pe dang gogo marmut,*+Alai boi do dibahen nasida jabuna di dolok batu.+ 27  Nang pe dang adong raja ni sihapor,*+Alai pungu do nasida sude sahali borhat.+ 28  Boi do lokkot pat ni cicak di dinding,+Jala masuk do i tu istana ni raja. 29  Adong tolu na lakkana mambahen longang roha,Jala opat na pardalanna mambahen longang roha: 30  Singa, i ma binatang na umgogo sian sude binatang buas,Dang olo i lari sian manang aha pe.+ 31  Dung i biang pamburu, hambing jantan,Dohot sahalak raja na rap dohot akka tentarana. 32  Molo dipatimbo-timbo ho dirim alani otom,+Manang marsakkap ho mangulahon i,Hatop ma paso i.+ 33  Molo dipahippal susu, gabe adong ma mentega,Molo dipisat igung, kaluar ma mudar,Suang songon i ma, molo adong na tarrimas, tubu do parbadaan.+

Surat na di toru

Hata ni Jahowa ias dos songon mas na ias dung ditutung di api.
As. “sundut”.
As. “sundut”.
As. “sundut”.
Manang “Syeol”. Ida di Kamus.
Manang “wadi”. Ida di Kamus.
Manang “na dihasogohon”.
Manang “digattihon”.
Binatang na songon marmut na balga, dang adong ihurna, jala mangolu di tano na marbatu-batu.
Manang “belalang”.