Poda 19:1-29
19 Tumagon do pogos alai mangulahon na sittong,+Sian apala oto jala pargabus.+
2 Dang denggan molo so adong parbinotoan ni sasahalak,+
Jala na lao mardosa do halak na gumarapus.
3 Haotoon ni sasahalak do na mambahen lilu dalanna,Jala gabe jut ma rohana tu Jahowa.
4 Godang do dongan ni halak na mamora,Alai molo halak na pogos, donganna sandiri pe sogo do rohana tu ibana.+
5 Ikkon dihukum do saksi na mandok na so tutu,+Jala dang na lao malua halak na sai margabus.+
6 Godang do halak mambuat roha ni halak na sangap,Jala sude do halak naeng mardongan tu halak na jotjot mangalehon hadiah.
7 Sogo do roha ni sude haha anggi ni na pogos tu ibana,+Haru akka donganna pe mandao do sian ibana!+
Sai mangelek-elek do ibana tu nasida, alai dang adong na parduli.
8 Molo manat sasahalak marpikkir, na makkaholongi dirina do i.+
Jala manang ise na toktong marbisuk, na lao marhasil do i.+
9 Ikkon dihukum do saksi na mandok na so tutu,Jala na lao mate do halak na sai margabus.+
10 Dang patut mamora halak na oto,Suang songon i ma, dang patut sahalak pangurupi mamaretta akka pejabat!+
11 Molo marbisuk halak, dang mura ibana muruk,+Jala dipuji do halak na olo manalpuhon hasalaan.+
12 Dos songon singa na marauang do molo muruk raja,+Alai dos songon nambur tu suan-suanan do molo las rohana.
13 Anak na oto mambahen susa bapakna,+Jala istri na parbada* dos songon atap ni jabu na bocor.+
14 Boi do dapot ni halak jabu dohot arta sian bapakna,Alai holan sian Jahowa do dapot ni halak istri na marbisuk.+
15 Holan na modom do sigurbak ulu,Jala na lao male do halak na malas.+
16 Toktong do mangolu halak na sai mangoloi paretta ni Debata,+Alai na lao mate do halak na so olo mangihutton dalan na sittong.+
17 Halak na marasi ni roha tu na pogos dos songon na mangalehon pinjaman tu Jahowa,+Baloson ni Debata do pambahenanna i.+
18 Ajar-ajari ma anakmu bissan adong dope tikki,+Asa unang ho na martanggung jawab molo mate ibana.+
19 Ikkon dihukum do halak na mura-mura muruk,Molo dipalua ho ibana sian hukuman, ikkon mulak-ulak ma bahenonmu songon i.+
20 Tangihon ma poda jala olo ma ho diajar-ajari,+Asa gabe halak na marbisuk ho.+
21 Godang do sakkap ni roha ni jolma,Alai lomo ni roha ni Jahowa do na saut.+
22 Arga do halak na patuduhon holong ni roha* tu donganna,+Jala dumenggan do halak na pogos sian pargabus.
23 Parohon hangoluan do biar mida Jahowa,+Jala sonang ma modom halak na makkabiari Debata jala dang marjea.+
24 Dipamasuk sigurbak ulu do tanganna tu makkuk na marisi sipanganon,Alai nanggo pamasukkon sipanganon i pe tu babana, malas do ibana.+
25 Attuk ma pangarehei,+ asa marbisuk halak na so marpengalaman,+Jala pissang ma halak na marbisuk, asa tamba parbinotoanna.+
26 Manang ise na kejam tu bapakna jala na mangusir omakna,Anak na pailahon do i jala mambahen marlea.+
27 Ale anakku, molo dang olo be ho diajar-ajari,Manirpang nama ho sian poda na marisi parbinotoan.
28 Diparekkeli saksi na so marguna do na sittong,+Jala di halak na jahat, dos songon na mangan do mangulahon na jahat.+
29 Diparade do hukuman tu akka pangarehei,+Jala tu tanggurung ni halak na oto do attuk-attuk.+
