Poda 1:1-33

  • Tujuan ni akka poda on (1-7)

  • Molo mardongan tu na jahat (8-19)

  • Jou-jou do bisuk di dalan (20-33)

1  On ma poda ni si Salomo+ anak ni si Daud+ raja ni halak Israel,+   Na disurat lao mangajar-ajari+ jala mangurupi halak asa marbisuk,Lao mangurupi halak asa mangattusi akka hata na bagas lapatanna.   Lao mangajar-ajari halak asa marbisuk,+Asa tigor marroha,+ malo mamillit dia na denggan,+ jala asa jujur.*   Lao mambahen pistar+ halak na so marpengalaman.Asa dapot ni na poso parbinotoan jala asa manat ibana marpikkir.+   Lomo do roha ni halak na marbisuk manangihon jala marsiajar,+Jala sai dilului halak na malo do poda ni halak na marbisuk+   Asa diattusi ibana uppasa dohot tudos-tudos,Asa diattusi ibana hata na marbisuk dohot tudos-tudos ni nasida.+   Biar mida* Jahowa do parmulaan ni parbinotoan.+ Alai anggo halak na oto, dang olo diajari jala diurupi asa marbisuk.+   Ale anakku, tangihon ma na diajarhon bapakmu,+Jala unang ma leas roham tu poda ni omakmu.+   Ai songon mahkota na uli do i di ulum+Jala songon kalung na bagak do i di rukkungmu.+ 10  Ale anakku, molo ditogihon pardosa ho mangulahon na jahat, unang ma oloi.+ 11  Molo didok nasida, “Beta ihutton ma hami, Asa tapamate halak na so marsala. Martabuni ma hita jala tatakkup ma nasida. 12  Taboddut ma nasida songon na binahen ni Kuburan,*Taboddut ma nasida hippal, songon halak na masuk tu bagasan tanoman. 13  Beta, tabuat ma sude arta ni nasida,Jala tasippan ma sudena i di jabutta. 14  Ikkon dohot do ho,Asa tabagi dos na tatakko i.”* 15  Ale anakku, unang ma ihutton nasida. Sai padao ma dirim sian dalan ni nasida,+ 16  Ai marlojong do pat ni nasida mangulahon na jahat,Jala sai naeng mambunu do nasida.+ 17  Molo nungnga diida pidong jaring, aha ma gunana i dibahen. 18  Alani i ma monggop-onggop nasida lao mambunu,Jala martabuni do nasida lao mambuat hosa ni halak. 19  Songon i ma dibahen pangoto-otoi lao mangalului uttung,Jala songon i ma muse na lao masa tu nasida.+ 20  Jou-jou do bisuk* i+ di dalan.+ Jala gogo do soarana tarbege di tano lapang.+ 21  Gora-gora do i di sippang ni dalan na rame. Di gerbang ni kota didok ibana do,+ 22  “Hamu akka na so marpengalaman, sadia leleng nai do hamu sai songon i? Hamu akka pangarehei, sadia leleng nai do hamu sai mangarehei? Jala hamu akka na oto, sadia leleng nai do sogo rohamuna tu parbinotoan?+ 23  Tangihon ma pissang-pissangku.*+ Dung i usehonokku ma huasokku tu hamu,Jala paboaokku ma tu hamu akka hatakku.+ 24  Ai nungnga jou-jou au, alai dang ditangihon hamu,Nungnga hubahen tanganku, alai dang adong na parduli,+ 25  Sai dialo hamu do sude podakkuJala dang ditangihon hamu pissang-pissangku, 26  Alani i huparekkeli ma hamu tikki ro jea tu hamu,Jala hurehei ma hamu tikki mabiar hamu,+ 27  Tikki songgop biar ni roha tu hamu songon badai,Tikki ro jea tu hamu songon halisuksung,Jala tikki masa hasusaan dohot sitaonon tu hamu. 28  Tikki i sai jou-jou ma nasida tu au, alai dang olo au mangalusi,Luluan ni nasida ma au, alai dang juppang ni nasida au.+ 29  Ai sogo do roha ni nasida tu parbinotoan,+Jala dang dihabiari nasida Jahowa.+ 30  Dang ditangihon nasida podakku,Jala leas do roha ni nasida tu sude pissang-pissangku. 31  Alani i jaloon ni nasida ma upa ni* pambahenan ni nasida,+Jala taonon ni nasida ma hasusaan* alani sakkap ni roha ni nasida. 32  Ai na lao mate do halak na so marpengalaman ala sai mangalo,Jala na lao hancur do halak na oto alani gurbak ni ulu ni nasida. 33  Alai na lao dame do ngolu ni halak na manangihon au+Jala dang mabiar nasida molo ro jea.”+

Surat na di toru

Manang “adil”.
Manang “Sangap tu”.
Manang “Syeol”. Ida di Kamus.
Manang “Asa satas hita sude”.
Manang “bisuk na sittong”.
Manang “Muba ma ho dung hupissang”.
As. “allangon ni nasida ma parbue ni”.
Manang “Jala butong ma nasida”.