Jesaya 47:1-15
47 Ale anak boru ni Babel,+Turun ma ho jala hundul di tano.
Di tano ma ho hundul dang di tahta,+Ale boru Kasdim,Dang dohonon ni jolma be ho boru ni raja.
2 Buat ma batu gilingan* jala giling ma topung.
Bukka ma panutup ni ulum.
Bukka ma jubahmu jala angkat ma rokmu.
Taripari ma akka sunge i.
3 Idaon ni akka halak ma na salang-salang ho.
Tarida ma hailaonmu.
Balosokku+ ma ho jala dang adong na boi mangabbati Au.*
4 “Debata Nabadia ni IsraelIbana do na manobus hita,Ditanda do Ibana Jahowa Pamimpin ni Akka Tentara.”*+
5 Ale boru Kasdim,+Hundul ma ho disi jala sip ma ho, lao ma ho tu na golap,Dang digoari be ho Ratu ni Akka Harajaon.+
6 Muruk do Au tu bangsokku.+
Hupasombu do appunakki gabe ramun,*+Jala hupasahat do nasida tu tanganmu.+
Alai laos so dipatudu ho do asi ni roha tu nasida.+
Gariada dibahen ho do boban na borat tu akka na matua.+
7 Didok ho do, “Toktong do au gabe Ratu saleleng ni lelengna.”+
Dang dipikkiri ho akka pambahenanmi,
Jala dang dipikkirhon ho boha do ujungna.
8 Saonari, tangihon ma Au, ale na makkalomohon hasonangan,+Na hundul tenang jala na mandok di rohana,
“Dang adong na ussangap sian au.+
Dang na lao mabalu au.
Jala dang na lao tilahaon au.”+
9 Hape toppu ma masa na dua on tu ho di bagasan sadari,+
Mate ma anakkonmu jala mabalu ma ho.
Pasti ro do sudena i tu ho,+Ai* godang situtu do ilmu sihirmu jala gogo do jampi-jampimu.+
10 Diulahon ho do na jahat jala dirippu ho do dang na lao masa hasusaan tu ho.
Didok ho do, “Dang adong na mangida au.”
Parbinotoan dohot bisukmi do na mambahen ho gabe lilu.Jala didok ho do di bagasan roham, “Dang adong na ussangap sian au.”
11 Alai ro nama hasusaan tu ho,Jala dang boi jimatmi pasohon i.*
Ro ma akka hasusaan i tu ho jala dang boi diabbati ho.
Toppu ma ho hancur jala dang dirippu ho na lao masa i tu ho.+
12 Bahen, pakke ma ilmu sihirmi dohot jampi-jampim na godang i,+I do na mambahen ho susa sian mulai poso.
Atik boha gabe marguna i tu ho,Atik boha gabe mabiar akka halak tu ho.
13 Nungnga loja ho ala ni godang ni penasehatmu.
Saonari suru ma nasida jongjong lao paluahon ho,Nasida na manomba akka langit* jala na mamparrohahon akka bintang,+Na mangajari ho di tikki bulan baru,Lao paboahon akka na lao masa tu ho.
14 Ida ma! Songon durame do nasida.
Lao ditutung nama nasida di api.
Dang boi dipalua nasida dirina sian api na marsigorgor.
Api na marsigorgor i dang songon gara ni api na dipakke lao palashon daging,Jala dang songon api na dipakke lao marsisulu.
15 Songon i ma na lao masa tu akka parkarejom na mamakke ilmu gaib,Na mambahen ho susa mulai sian na poso.
Lao ma nasida mambuat dalanna be.*
Dang adong na lao paluahon ho.+
Surat na di toru
^ Manang boi do “jala dang hupakkulingi manang ise pe na juppang dohot Au”.
^ As. “Goarna i ma Jahowa Pamimpin ni Akka Tentara”.
^ Manang boi do “Nang pe”.
^ Manang “dang diboto ho songon dia pasohon i mamakke jimat”.
^ Manang boi do “na mangida bintang lao manjujur ari.”
^ As. “tu luatna be”.
