Jesaya 24:1-23
24 Ida ma! Dipakosong Jahowa do luat* i jala dibahen tarulang.+
Disursari* Ibana do luat i+ jala marserak dibahen pendudukna.+
2 Dos do sitaonon ni ganup halak,
Rakyat dohot malim,Hatoban bawa dohot tuanna,Hatoban borua dohot tuanna borua,Panuhor dohot panggadis,Na papinjappon dohot na maminjam,Na pautangkon dohot na marutang.+
3 Kosong do sude luat i,Dibuat do artana sappe habis,+Ai nungnga didok Jahowa songon i.
4 Mangandungi* ma luat i,+ jala gabe harsang.
Tano na subur gabe harsang jala koring.
Jala lam otik ma halak na sangap di luat i.
5 Nungnga sega luat i alani pendudukna,+Ai dilanggar nasida do patik,+Digatti nasida do aturan,+Jala dang diulahon nasida parjanjian+ na marlakku saleleng ni lelengna.*
6 Alani i do diburai luat i jala gabe sega,+Jala pendudukna didok marsala.
Alani i do lam moru penduduk ni luat i,Jala otik nama na tinggal.+
7 Koring ma anggur na baru, jala malos ma hau anggur,+Jala marsak ma sude halak na marlas ni roha hian.+
8 Dang adong be na marlas ni roha alani soara ni rebana,*Dang adong be soara ni na marsurak marlas ni roha,Jala dang tarbege be soara ni harpa na parohon las ni roha.+
9 Dang adong be halak na minum anggur huhut marende,Jala paet nama dai ni alkohol di halak na manginum i.
10 Nungnga maruppak+ be kota na tarulang i,Nungnga ditutup be sude jabu asa unang adong na boi masuk.
11 Marsurak do nasida di akka dalan lao mangido anggur.
Nungnga salpu be sude las ni roha i,Nungnga marujung be las ni roha ni luat i.+
12 Dipasombu do kota i hancur,Marropangan do sude gerbangna jala hancur.+
13 Songon on ma na ikkon masa tu bangsokku di luat na di tonga-tonga ni bangso na asing:
Dos ma nasida songon parbue ni hau jetun na tinggal dung diattuk hauna,+Dos songon parbue ni anggur na tinggal dung sae musim panen anggur.+
14 Gogo ma soara ni nasida,Marsurak ma nasida marlas ni roha.
Mulai sian barat,* dibaritahon nasida ma hamuliaon ni Jahowa.+
15 Jala dipasangap nasida ma Jahowa di timur,*+Dipasangap nasida ma goar ni Jahowa Debata ni Israel+ di akka pulo na di laut.
16 Sian akka ujung ni tano on, tarbege ma halak marende:
“Hamuliaon* ma tu Debata Natigor!”+
Alai dohonokku ma, “Na dangol do au, na dangol do au!
Marjea ma au! Manghianat do halak jala mangoto-otoi donganna,Tutu, torus do nasida manghianat jala dioto-otoi do donganna.”+
17 Hamu penduduk ni akka luat, adong do ancaman, lubang, dohot jorat na paima-imahon hamu.+
18 Akka na lari sian soara na parohon biar madabu tu lubang,Jala halak na kaluar sian lubang hona jorat.+
Bukka ma akka pintu ni aek na di langit,Jala humutur ma tano on.
19 Bola ma tano,Humutur ma tano,Jala gogo situtu ma goyang tano.+
20 Goyang ma tano on songon halak na mabuk,Dos songon sopo-sopo na niullus ni alogo.
Dabu ma ibana alani borat ni hasalaanna,+Jala dang tolap be ibana jongjong.
21 Di ari i diparrohahon Jahowa ma akka tentara na di ginjang,Dohot akka raja na di tano on.
22 Dipapungu ma nasida sude,Songon halak na tarhurung na dipapungu tu lubang,Dipenjarahon ma nasida di toru ni tano,Jala leleng do asa diparrohahon nasida.
23 Maila ma bulan purnama,Jala maila ma mataniari na marsinondang,+Ai nungnga gabe raja+ Jahowa Pamimpin ni Akka Tentara* di Dolok Sion+ dohot di Jerusalem,Jala dipatuduhon do hamuliaonna di jolo ni akka pangituai* ni bangsona.+
Surat na di toru
^ Manang “Dipabalik”.
^ Na nidokna dison, i ma Juda dohot Jerusalem.
^ Manang boi do “Koring”.
^ Manang “parjanjian najolo”.
^ Manang “sian laut”.
^ Manang “di inganan na tiur”.
^ Manang “Hiasan”.
^ Manang “Sebaot”, lapatanna pamimpin ni akka suru-suruan na di banua ginjang.
