Jeremia 5:1-31
5 Dalani ma akka dalan na di Jerusalem.
Ida ma tu sakaliling jala parrohahon ma.
Lului ma di akka lapangan ni kota i,Atik na adong do sasahalak na mangulahon na tigor,+Na marsitutu asa setia,Molo adong, sesaokku ma dosa ni kota i.
2 Nang pe didok nasida tikki marsumpa, “Songon pastina Jahowa mangolu!”*
Alai sasittongna, dang tutu na nidokna i.+
3 Ale Jahowa, halak na setia do dilului Ho kan?+
Diattuk Ho do bangsomi, alai dang dipardulihon nasida Ho.*
Nungnga godang dipamate Ho sian nasida, alai dang olo nasida marsiajar sian i.+
Ukkaras do roha* ni nasida sian batu,+Jala dang olo nasida mulak tu Ho.+
4 Alai ninna rohakku, “Pasti halak na lea do nasida.
Diulahon nasida do ulaon ni halak na oto, ai dang ditanda nasida dalan ni Jahowa,Jala dang diboto nasida patik ni Debata ni nasida.
5 Lao ma au tu akka halak na sangap jala makkatai ma au tu nasida,Pasti diparrohahon nasida do dalan ni Jahowa,Diparrohahon nasida do patik ni Debata ni nasida.+
Hape nungnga diponggolhon nasida be auga* na mambahen nasida mangoloi Debata,Jala nungnga putus be dibahen nasida ratte pangikkatna.”
6 Alani i ma ro singa sian tombak menyerang nasida,Ro serigala sian gurun makkarati nasida,Jala ro macan tutul mangintip-intip kota ni nasida,
Manang ise na kaluar sian i pasti diharat.
Ai nungnga godang hasalaan ni nasida,Nungnga massai jotjot+ nasida dang setia tu Debata.
7 Songon dia ma Au boi manesa dosam?*
Ai nungnga ditadikkon akka anakmu Au,Jala marsumpa do nasida marhite debata na so sittong.+
Hulehon do sude na porlu di nasida,Alai torus do nasida mangalakkup,Jala marpungu-pungu do nasida lao tu jabu ni boru-boru na so hasea.
8 Dos songon hoda jantan na sai naeng kawin do nasida,Songon i ma ganup halak, sai naeng mambuat istri ni donganna.+
9 Didok Jahowa ma, “Alani sude pangalaho ni nasida i, patut do kan hukumokku nasida?
Patut do kan balosokku pangalaho ni bangso sisongon i.”+
10 “Lao ma ho tu ladang anggur ni Jerusalem jala segai ma i.Alai unang sappe sega sude.+
Potong ma akka tunasna na baru,Ai dang appuna ni Jahowa be nasida.
11 Ai taringot tu halak Israel dohot tu halak Juda,Nungnga tung dihianati nasida Au,” ninna Jahowa.+
12 “Dang parduli nasida tu hata ni Jahowa, torus do didok nasida,‘Dang na lao adong bahenonna.*+
Dang na lao masa hasusaan tu hita.Dang na lao idaotta podang manang haraparon.’+
13 Dos songon alogo do akka hata ni panurirangna, dang marlapatan.Dang adong hata ni Debata di nasida,
Lok ma dohot nasida dipamate!”*
14 Alani i, songon on ma hata ni Jahowa Pamimpin ni Akka Tentara* i,
“Ala nungnga didok nasida songon i,Bahenokku ma songon api hatakku na adong di pamanganmu,+Jala bangso on ma na gabe sobanna,Tutungon ni api i ma nasida sappe habis.”+
15 Didok Jahowa ma, “Ale halak Israel, parookku ma tu hamu sada bangso sian na dao,+
Bangso na toktong adong,
Bangso naung adong sian najolo.Dang diboto hamu bahasa ni nasida,Jala dang diattusi hamu hata ni nasida.+
16 Inganan ni panah ni nasida dos songon kuburan na bukka,Sude do nasida tentara na gogo.
17 Habis ma bahenon ni nasida sude hasil ni panenmuna dohot rotimuna,+
Bunuon ni nasida ma anak dohot borumuna,
Pamateon ni nasida ma hambing, biru-biru, dohot lombumuna,
Segaan ni nasida ma sude hau anggur dohot hau aramuna,
Hancur ma bahenon ni podang ni nasida akka kotamuna na martembok na diasakkon hamu.”
18 Didok Jahowa ma, “Alai nang di ari i pe, dang na lao mate hamu sude bahenokku.+
19 Molo disukkun nasida, ‘Boasa dibahen Jahowa Debatanta i songon on tu hita?’ Alusi ma nasida, ‘Ditadikkon hamu do Debata, asa boi sombaonmuna debata na asing di luatmuna. Alani i ma, hamu pe gabe hatoban ni bangso na asing ma di luat na so appunamuna.’”+
20 Paboa ma i tu pinoppar ni si Jakkob,Jala baritahon ma i di Juda, dokkon ma,
21 “Tangihon ma ale bangso na oto jala na so marroha,+
Na marmata alai dang marnida,+Na marpinggol alai dang marbinege.+
22 Didok Jahowa ma, ‘Boasa dang mabiar hamu tu Au?Boasa dang hitir-hitir hamu di jolokku?
Au do na mambahen pasir gabe batas ni laut,Au do na mambahen marlakku aturan i saleleng ni lelengna, asa unang lewat aek ni laut i.
Nang pe balga galumbang ni laut i, alai dang boi dilewati batasna i.Nang pe mangamuk ombakna, alai dang boi dilewati batasna i.+
23 Alai jugul do bangso on, mangalo do roha ni nasida.Nungnga manirpang nasida jala dalan ni nasida sandiri do diihutton nasida.+
24 Dang hea didok nasida di roha ni nasida,
“Tahabiari ma Jahowa Debatanta i.Ibana do na parohon udan di tikkina,Di musim udan na parjolo dohot di musim udan na parpudi.*Ibana do na torus manottuhon asa adong musim panen.”+
25 Alani hasalaanmuna sandiri, dang na lao ro be i sude tu hamu.Jala dang dapotmuna be akka na denggan alani dosamuna i.+
26 Ai adong do halak na jahat di tonga-tonga ni bangsokki,
Torus do nasida mangintip dos songon sitakkup pidong na martabuni.
Dipasang nasida do jorat na pamatehon,
Jala jolma do na ditakkup nasida.
27 Gok gabus do jabu ni nasida,+Dos songon sangkar na gok pidong.
Alani i do umbahen na marhuaso nasida jala gabe mamora.
28 Gabe mokmok do nasida, mulus kulit ni nasida.Gok do hajahaton di nasida,
Dang dibela nasida akka na so marama+ di pengadilan,Holan asa mandapot uttung tu diri ni nasida sandiri.Jala dang tigor nasida tikki mangadili halak na pogos.’”+
29 Didok Jahowa ma, “Alani sude pangalaho ni nasida i, patut do kan hukumokku nasida?
Patut do kan balosokku pangalaho ni bangso sisongon i?
30 Nungnga masa be akka na palongang roha jala na massai ngeri di luat on.
31 Gabus+ do na pinaboa ni akka panurirang i,Jala gabe lomo-lomo ni akka malim i do tu halak na asing,
Alai lomo do roha ni bangsokki tu sudena i.+
Alai molo dung marujung sudena i, aha ma na lao ulahononmuna?”
Surat na di toru
^ Sumpa on patuduhon pasti do ikkon saut janji on, songon pastina Debata mangolu.
^ As. “bohi”.
^ As. “dang na gabe gale nasida”.
^ Na nidokna, i ma Jerusalem.
^ Manang boi do “Dang adong Ibana”.
^ Na nidokna dison, i ma dos songon hata ni nasida na so marguna i.
^ Manang “Sebaot”, lapatanna pamimpin ni akka suru-suruan na di banua ginjang.
^ Musim udan na parjolo dimulai hira-hira parsitongaan ni bulan Oktober jala musim udan na parpudi dimulai hira-hira parsitongaan ni bulan April.
