Na didok Bibel

 Nang pe dang takkas dipaboa di Bibel taringot juji, a alai molo tajaha akka prinsip di Bibel boi ma taattusi sogo do roha ni Jahowa tu juji.​—Epesus 5:​17.

•   Alani hisap do sasahalak umbahen na marjuji ibana, jala sogo do roha ni Debata tu halak na hisap. (1 Korint 6:​9, 10; Epesus 5:​3, 5) Alana marsakkap do halak na marjuji asa gabe di ibana ma sude na adong di halak na asing. Hape diorai Bibel do hita marsakkap mambuat aha na adong di halak na asing.​—2 Musa 20:17; Rom 7:7; 13:​9, 10.

•   Nang pe saotik taruhanna, molo marjuji hita boi do mambahen hita holongan di hepeng.​—1 Timoteus 6:​9, 10.

•   Jotjot do halak na marjuji mangandalhon takhayul manang nasib. Jala dipatudos Debata do i songon na manomba patung.​—Jesaya 65:11.

•   Boi do halak na marjuji gabe malas karejo. Hape dijujui Bibel do hita asa ringgas karejo. (Parjamita 2:​24; Epesus 4:​28) Molo ringgas sasahalak karejo boi ma ‘nasida mangalului siallangonna’.​—2 Tessalonik 3:​10, 12.

•   Lomo do roha ni halak na marjuji asa torus ibana monang. Hape dijujui Bibel do hita asa mambolokkon sifat dang olo talu.​—Galatia 5:​26.