Na didok Bibel

 Dosa na so boi diampuni, i ma dosa na sengaja diulahon jala dang merasa bersalah halak na mangulahon dosa i. Aha do na didok Bibel taringot i?

 Olo do Debata mengampuni dosa ni halak na olo bertobat. Alai ikkon diihutton ibana do paretta ni Debata, jala ikkon dipatudu ibana do haporseaon tu Jesus Kristus. (Ulaon ni Apostel 3:​19, 20) Alai adong do sasahalak na so olo bertobat, ala dianggap ibana dosana i hal na biasa. Didok do di Bibel, molo halak sisongon i halak na “marroha na jahat” jala ‘gabe jogal do rohana ala dioto-otoi dosa’. (Heber 3:​12, 13) Dang boi be dibentuk tano liat naung ditutung. Suang songon i ma, molo nga jogal roha ni sasahalak torus do ibana mangulahon dosa jala mangalo Debata. (Jesaya 45:9) Dang adong be alasan ni Debata lao mengampuni dosana. Ala nungnga diulahon ibana dosa na so boi diampuni.​—Heber 10:26, 27.

 Diulahon piga-piga pamimpin agama Jahudi di jaman ni Jesus do dosa na so boi diampuni. Takkas do diboto nasida, tondi parbadia ni Debata do na mangurupi Jesus boi mambahen mukjizat. Alai, sengaja do nasida mandok mukjizat na dibahen Jesus i alani huaso ni Sibolis.​—Markus 3:​22, 28-​30.

Dosa na boi diampuni

•  Mangaleai Debata dohot ajaranna ala hurang parbinotoan taringot hasittongan. Najolo, dileai Apostel Paulus do Debata. Alai ujungna muba do ibana jala didok ibana do, “Huulahon pe i andorang so porsea do au jala ala na hurang do parbinotoakku.”​—1 Timoteus 1:​13.

•  Perzinaan. Dipaboa do di Bibel taringot piga-piga halak na mangulahon perzinaan sebelum mamboto hasittongan. Alai ujungna bertobat do nasida jala diampuni Debata.​—1 Korint 6:​9-​11.

“Boi do diampuni dosa na huulahon on?”

 Molo sogo do rohamuna tu dosa na hea diulahon hamu jala marsitutu naeng muba, on berarti dang dosa na so boi diampuni na hea diulahonmuna i. Olo do Debata mengampuni dosa naung mulak-ulak diulahon sasahalak, asal ma dang jogal rohana jala olo muba.​—Jesaya 1:18.

 Adong do piga-piga halak na torus merasa bersalah, alana didok roha ni nasida nungnga mangulahon dosa na so boi diampuni nasida. Alai didok do di Bibel dang sai torus boi taandalhon perasaanta. (Jeremia 17:9) Dang dilehon Debata tu hita hak lao menghakimi halak na asing dohot menghakimi diritta sandiri. (Rom 14:​4, 12) Jala boi do diampuni Debata dosatta nang pe merasa bersalah dope hita.​—1 Johannes 3:​19, 20.

Dosa na so boi diampuni do na diulahon si Judas Iskariot?

 Ido. Ala holan sai mamikkiri hepeng, gabe ditakko ibana do hepeng sumbangan tu ulaon ni Debata. Di sada tikki hea do ibana hira na parduli tu halak na pogos, hape sebenarna asa boi do lam godang hepeng na lao ditakko ibana. (Johannes 12:​4-8) Lam leleng gabe lam jogal ma roha ni si Judas jala ujungna gabe dihianati ibana ma Jesus holan alani 30 hepeng perak. Takkas do diboto Jesus na so olo si Judas bertobat. Alani i ma didok Jesus do si Judas i “halak na ikkon mago”. (Johannes 17:12) Hata ni Jesus on patuduhon, dang adong be harapan di si Judas lao dipahehe muse dukkon mate ibana.​—Markus 14:21.

 Nang pe menyesal si Judas ala mangulahon dosa, alai dang serius ibana lao bertobat. Alana tu pamimpin agama na mambunu Jesus i do ibana mangakkui dosana, dang tu Debata.​—Mateus 27:​3-5; 2 Korint 7:​10.