Na didok Bibel

 Binatang buas na warna merah na disurat di Pangungkapon 17, manggombarhon organisasi na tujuanna lao mambahen akka bangso marsada jala gabe wakil ni akka bangso di liat portibi on. Di mulana, dibahen do goar ni organisasi on Liga Bangsa-Bangsa, alai saonari digatti do goarna gabe Perserikatan Bangsa-Bangsa.

Cara lao mamboto ise do binatang buas i

1.   Sada organisasi politik. Adong “pitu ulu” binatang on na manggombarhon “pitu dolok” dohot “pitu raja”, manang kekuasaan. (Pangungkapon 17:​9, 10) Di Bibel, hata dolok dohot binatang dipakke do lao manggombarhon pamarettaon.​—Jeremia 51:24, 25; Daniel 2:​44, 45; 7:​17, 23.

2.   Manggombarhon kuasa politik dunia. Binatang na merah on mirip do tu binatang na pitu uluna na disurat di Pangungkapon 13, na manggombarhon gabungan ni kuasa politik dunia. Dua binatang on adong pitu uluna, sappulu tandukna, jala adong di dagingna akka goar na mangaleai. (Pangungkapon 13:1; 17:3) Persamaan on dang terjadi secara kebetulan. Binatang na merah on, i ma gombaran sian gabungan ni kekuasaan politik dunia.​—Pangungkapon 13:15.

3.   Mandapot huaso sian pamarettaon na asing. Binatang buas na merah on “ro” sian pamarettaon na asing.​—Pangungkapon 17:11, 17.

4.   Adong hubunganna tu agama. Di atas ni binatang buas na balga on hundul do Babel na Balga, i ma gabungan ni agama palsu sedunia. On patuduhon na dipengaruhi kelompok agama do binatang on.​—Pangungkapon 17:​3-5.

5.   Dang pasangappon Debata. Godang do di daging ni binatang buas i “akka goar na mangaleai Debata”.​—Pangungkapon 17:3.

6.   Hea do dang aktif. Hea do binatang buas na merah on di “lombang na massai bagas”, a manang hea do dang aktif saleleng piga-piga tikki. Alai dukkon i aktif ma muse.​—Pangungkapon 17:8.

Saut do naung didok Bibel

 Pikkirhon ma songon dia surirang ni Bibel taringot binatang buas na merah on cocok lao manggombarhon Liga Bangsa-Bangsa, manang na saonari digoari Perserikatan Bangsa-Bangsa.

1.   Sada organisasi politik. Didukung Perserikatan Bangsa-Bangsa do politik dunia, jala dipastihon do asa sude negara na gabe anggotana mandapot “hak dohot status na sarupa”. b

2.   Manggombarhon kuasa politik dunia. Di taon 2011, adong 193 negara na gabe anggota ni Perserikatan Bangsa-Bangsa. Alani i, didok PBB do molo nasida mewakili godang bangso dohot jolma di liat portibi on.

3.   Mandapot huaso sian pamarettaon na asing. Dibahen pe Perserikatan Bangsa-Bangsa on, ala adong do akka negara na bergabung gabe anggotana. Jala akka negara on do na manottuhon sadia balga huaso dohot wewenang ni Perserikatan Bangsa-Bangsa.

4.   Adong hubunganna tu agama. Jotjot do Liga Bangsa-Bangsa dohot Perserikatan Bangsa-Bangsa manjalo dukungan sian akka agama di liat portibi on. c

5.   Dang pasangappon Debata. Dibahen pe PBB, tujuanna asa boi do sude bangso na adong di portibi on mardame jala aman. Memang songon na denggan do i idaon, alai sebenarna dang dipasangap PBB i Debata. d Alana didok nasida, boi do dibahen nasida sude bangso di portibi on mardame jala aman, hape holan Harajaon ni Debata do na boi mangulahon i.​—Psalmen 46:9; Daniel 2:​44.

6.   Hea do dang aktif. Liga Bangsa-Bangsa dibentuk dang leleng dukkon Perang Dunia I. Tujuanna, asa boi sude bangso di liat portibi on toktong mardame. Alai dang marhasil nasida mambahen bangso di portibi on mardame, alana toktong dope adong akka bangso na marporang. Dang aktif be organisasi on tikki dimulai Perang Dunia II di taon 1939. Jala dukkon sae Perang Dunia II di taon 1945, dibentuk ma Perserikatan Bangsa-Bangsa. Mirip do cara kerja dohot struktur organisasi on tu Liga Bangsa-Bangsa.