Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Joujou Paboahon  |  September 2015

 SIULASON NI MAJALAH ON | ISE DO SITINDANGI NI JAHOWA?

Aha do na Dihaporseai Sitindangi Ni Jahowa?

Aha do na Dihaporseai Sitindangi Ni Jahowa?

Dihaporseai Sitindangi Ni Jahowa do ”nasa Surat i, sinihathon ni Debata.” (2 Timoteus 3:16) Dipangke hami do Bibel asa denggan ngolunami jala boi mananda Sitompa hita.

Disurat do di Bibel, ”Asa ditanda nasida sasada Ho do na margoar Jahowa, Natumimbul gumomgom liat portibi on.” (Psalmen 83:19) Alani i, hami manomba Jahowa jala marsitutu mamaritahon goarNa.Jesaya 43:10-12.

Porsea do hami molo Jesus ”Anak ni Debata” *, na ro tu tano on gabe Messias. (Johannes 1:34, 41; 4:25, 26) Dung mate Jesus, dipahehe ma ibana tu surgo. (1 Korint 15:3, 4) Dungkon i, Raja ma ibana di Harajaon ni Debata. (Pangungkapon 11:15) Harajaon i ma na pasauthon Paradeiso di tano on. (Daniel 2:44) Dipaboa Bibel, ”Alai sai na teanon ni angka parlambohi do sogot tano i, jala hahilashononna hinadeak ni hadameon.”Psalmen 37:11, 29.

”Dihaporseai Sitindangi Ni Jahowa do na mangkatai Debata tu nasida molo dijaha Bibel. Tingki mangadopi hasusaan nasida, dilului do pangurupion sian Bibel . . . Di nasida, godang do laba ni Bibel.”—Koran Katolik clergyman Benjamin Cherayath, Münsterländische Volkszeitung, Jerman

Dihaporseai Sitindangi Ni Jahowa do na marlaba prinsip ni Bibel sahat tu saonari. (Jesaya 48:17, 18) Alani i, diihuthon hami do sude prinsip ni Bibel. Umpamana, ndang marisap, ndang marnarkoba hami ala diorai Bibel do mangulahon aha na manegai pingkiran dohot pamatang. (2 Korint 7:1) Hami ndang mangulahon hamabukon, parmainanon, dohot manangko.1 Korint 6:9-11.

^ par. 5 Dipatorang Bibel do molo Jesus, ”Anak sasada ni Debata”, ala ibana do na parjolo ditompa jala holan Jesus do na tinompa ni Jahowa sandiri.Johannes 3:18; Kolosse 1:13-15.