Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

Sungkunsungkun Na Dialusi Bibel

Sungkunsungkun Na Dialusi Bibel

Aha do Ari Panguhuman i?

Boasa ari panguhuman i ari na palashon roha?

Dipangke Debata najolo angka panguhum laho mangaramoti bangsoNa sian ulaon hageduhon. (Panguhum 2:18) Alai, di tingki na naeng ro, Bibel mandok laho bahenon ni Jahowa ari panguhuman asa paluahon sude jolma na adong di liat portibi on sian hageduhon, alani i boi dohonon ari panguhuman i ari na palashon roha.Jaha Psalmen 96:12, 13; Jesaya 26:9.

Pasauthon ni Debata ma hatigoran tu angka halak na mangolu dohot na mate marhite Jesus. (Ulaon 10:42; 17:31) Alana godang do halak naung mate alai ndang mananda Debata dope. Saleleng ari panguhuman, paheheon ni Jesus ma angka halak sian hamatean. Lehononna ma tingki tu nasida asa boi mananda jala manghaholongi Debata na sintong.Jaha Ulaon 24:15.

Boasa Ari Panguhuman i Ingkon Saribu Taon Lelengna?

Saleleng saribu taon i, paheheonna ma angka halak naung mate. (Pangungkapon 20:4, 12) Dung i, parsiajaran ni nasida ma angka patik ni Debata jala marsiajar mangoloi Ibana. Ndang songon na didok ni godangan halak, Bibel mandok laho uhumanna ma jolma hombar tu parniulaonna dunghon dipahehe nasida.Jaha Rom 6:7.

Bibel mandok tompu do haroro ni ari panguhuman i andorang so masa dope na saribu taon i. Didok Bibel do ari i ajal ni portibi on, songon na diulas di alaman parjolo sian majalah on. Disi ripashonon ni Debata ma sude angka halak parjahat. (2 Petrus 3:7) Alani i, ingkon marsitutu ma hita saonari laho patuduhon holongta tu Debata.Jaha 2 Petrus 3:9, 13.