Adong do goar ni Debata?

PIGAPIGA HALAK MANDOK ndang adong goar ni Debata, na deba mandok Tuhan i do Debata jala na asing muse porsea godang do goar ni Debata. Songon dia do pandapotmu?

NA DIDOK BIBEL

”Sasada Ho do na margoar Jahowa, Natumimbul gumomgom liat portibi on.”​—Psalmen 83:19.

AHA DOPE NA DIAJARHON BIBEL?

  • Nang pe godang goar panjouon ni Debata, alai holan sada do dibahen Ibana goarNa.​—2 Musa 3:15.

  • Ndang buni Debata sian hita; lomo do rohaNa hita mananda Ibana.​—Ulaon ni Apostel 17:27.

  • Mamboto goar ni Debata cara na parjolo asa gabe alealeNa.​—Jakobus 4:8.

Sala do mandok goar ni Debata?

SONGON DIA DO ALUSMUNA?

  • Sala

  • Ndang sala

  • Ndang binoto

NA DIDOK BIBEL

”Ndang jadi dohononmu goar ni Jahowa Debatam, anggo sian neang ni roha.” (2 Musa 20:7) Sala do hita mandok goar ni Debata molo sian neang ni rohanta manang ndang ture dalanna.​—Jeremia 29:9.

AHA DOPE NA DIAJARHON BIBEL?

  • Diboto jala dipangke Jesus do goar ni Debata.​—Johannes 17:25, 26.

  • Dijujui Debata do hita asa mamboto goarNa.​—Psalmen 105:1.

  • Marsitutu do angka musu ni Debata asa dilupahon angka jolma goar ni Debata.​—Jeremia 23:27.