Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 SIULASON NI MAJALAH ON | HADIAH NA UMMARGA

”On do Hadiah na Ummarga na Hea Dapothu”

”On do Hadiah na Ummarga na Hea Dapothu”

I ma na didok sahalak anak boru na marumur 13 taon tingki dilehon tu ibana anak ni biang. Sahalak borua na marhasil ulaonna mandok, di tingki SMA, dilehon bapakna do sada komputer na mansai marlaba di ibana. Asing ni i, sahalak baoa na baru mangoli, las situtu rohana ala dilehon tungganeboruna kartu ulang tahun parsaripeon ni nasida.

Ganup taon, di pigapiga situasi, godang do halak na marsitutu mangalehon hadiah ”na dumenggan” tu donganna. Songon dia molo hamu? Olo do hamu mangalehon manang manjalo hadiah na mararga?

Tontu las do roha tingki mandapot hadiah, alai umbalgaan do las ni roha na tahilala ala mangalehon hadiah. Bibel mandok, ”Martuaan do na mangalehon sian na manjalo!” (Ulaon ni Apostel 20:35) Las situtu do roha ni na mangalehon molo na manjalo i mangargai hadiah i.

Antong molo songon i, songon dia do bahenonmuna asa rap marlas ni roha hamu dohot na manjalo hadiahmuna? Jala, molo ndang boi hamu mangalehon hadiah ”na dumenggan”, aha do siulahononmu asa diargai hadiahmuna?