Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Joujou Paboahon  |  No. 5 2016

Songon Dia do Didok Bibel?

Songon Dia do Didok Bibel?

Aha do Harajaon ni Debata i?

TOROP HALAK PORSEA Harajaon ni Debata, adong di bagasan roha; na asing mandok jolma do na mambahen Harajaon ni Debata i asa boi mardame jala marsada ni roha. Songon dia do pandapotmuna?

NA DIDOK BIBEL

”Padirion ni Debata, na di surgo i, sada harajaon na so tarpapatu ro di salelenglelengna. . . . Ropuhanna do tahe sogot saluhut angka harajaon i, jala pansingkononna.” (Daniel 2:44) Harajaon ni Debata i tutu adong.

AHA DO MUSE NA TAPARSIAJARI SIAN BIBEL

  • Harajaon ni Debata mamarenta sian surgo.Mateus 10:7; Lukas 10:9.

  • Marhite HarajaonNa ma Debata pasauthon sangkapNa di surgo dohot di tano on.Mateus 6:10.

Andigan do Ro Harajaon ni Debata?

SONGON DIA DO ALUSMUNA?

  • Ndang binoto

  • Satongkin nai

  • Ndang ro

NA DIDOK BIBEL

”Laos baritahononhon do barita na uli on na taringot tu Harajaon i di liat portibi on, laho mangkatindangkonsa tu saluhutna bangso; dung pe i, asa ro ujungna.” (Mateus 24:14) Molo nunga dibaritahon barita na uli tu saluhut bangso, ndang sadia leleng nai, ropuhon ni Harajaon ni Debata ma pamarentaon ni jolma sisaonari on.

AHA DO MUSE NA TAPARSIAJARI SIAN BIBEL

  • Ndang adong na mamboto andigan ro Harajaon ni Debata.Mateus 24:36.

  • Surirang ni Bibel patuduhon, ndang sadia leleng nai ro ma Harajaon ni Debata.Mateus 24:3, 7, 12.